La macchina nera
|
C'l artìcul chè 'l è scrit in
Miranduléś |
 The Car
| ||
| La macchina nera | ||
 James Brolin in na figùra dal film | ||
| La màchina négra 1977 | ||
|---|---|---|
| Regìa: Elliot Silverstein | ||
| Scritōr: Dennis Shryack • Michael Butler • Lane Slate | ||
| Atōr: James Brolin • Kathleen Lloyd • John Marley R.G. Armstrong • John Rubinstein • Doris Dowling | ||
| Müsica: Leonard Rosenman | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
La macchina nera (La màchina négra) 'l è 'n film ad scarésa americàṅ dal 1977 'd Elliot Silverstein girâ in dal stat dal Utah e in Califòrgna.
La màchina druàda in cal lavōr chè l'è na Lincoln Continental Mark III dal 1971, persunaliśàda druànd di diségn dal famóś artìsta George Barris, aṿtōr anc dla Batmobile druànda in dal telefìlm ad Batman dal 1966. La prudusiòṅ la 'n à fat far siē in siē stmani e tuti e siē i èṅ stati distrùti mént'r a s giràva la pelìcula.
Sunt
Il dal paiśèṅ americàṅ ad Santa Ynez dū ciclìsta i vìnan butâ śò da 'n pònt da na màchina négra, sénsa targa e sénsa códas, ch'la gh tgniva adrē. I dū i mōran spaplànd-as śò in dal vōd.
La pulisìa la taca a ricévar soquànti segnalasiòṅ 'd incidènt in strada murtài ch'a gh'è sèmp'r insaplàda dèntar na machìna 'd culōr scûr. Al sierìf Everett Peck (John Marley) al dmanda a 'l capitàṅ Wade Parent (James Brolin) ad far luś su cal daśgràsi lè dimóndi strani. Durànd gl'indàśin a s fà avànti na testimòni, n'indiàna vècia dal pòst, ch'l'à fat a mènt ch'insìma a cla màchina lè a n gh'è ninsòṅ e che dònca a sarév òpra dal Diàvul.
In séguit la màchina l'atàca anc di studènt e i sò insgnànt e in mèś a gh'è anc la muróśa 'd Wade, la Lauren (Kathleen Lloyd), ch'la fà la mistra 'd mistēr. Al grup al próa a lugàr-'s in un simitèri e la màchina, a surpréśa, la gira a 'l larg esénd qvél lè un camp sant e dònca un sit banadét. Ma la mòrt par la Lauren la riva listés più avànti e Wade al prumét ad vindicàr-as strulgànd na trapla.