La macchia della morte

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Mephisto Waltz
La macchia della morte
Macchia della morte.png
La Jacqueline Bisset in na figùra dal film
La màcia dla mòrt
1971
Regia: Paul Wendkos
Scritùr: Ben Maddow • Fred Mustard Stewart
Atùr: Alan AldaJacqueline BissetBarbara Parkins
Bradford DillmanWilliam WindomCurd Jürgens
Müsica: Jerry Goldsmith
Lengua: IngléśFrancéś
Dürä dal film: 115 minüt
Nasiòṅ: Stat Unî


«
Quànd è-la stada l'ultma vòlta ch'at gh'à abû paùra, paùra dabòṅ?»
(Tagline dal film)


La macchia della morte (La màcia dla mòrt) 'l è 'n film ad scarésa dal 1971 ad Paul Wendkos girâ a Los Angeles.

In dla pelìcula a s pōl sintìr al cumpunimènt Al Vàlser ad Mefìst ad Franz Liszt, òpra ch'l'à dâ 'l tìtul a 'l film (The Mephisto Waltz).

Sunt

Myles Clarkson (Alan Alda), dòp avér studiâ 'l piàṅ da śōvan, adès al gh'à mis na préda insìma e al s è mis a far al giuralìsta muśicàł. L'è spuśâ cun la Paula (Jacqueline Bisset), ch'la gh'à na boutique in sità insém a la Maggie West (Kathleen Widdoes), e al gh'à na putìna, l’Abby (Pamelyn Ferdin).

Un dè Myles al và a intervistàr al più grand sunadōr ad piàṅ dal paéś, Duncan Ely (Curd Jürgens), che prima al gh dà adòs abàsta ma pò, dòp avér butâ 'l òć a 'l sò maṅ, al càmbia cumpurtamènt sèg dvintànd più gustóś e sò amìg. Anc sò fiōla, la Roxanne (Barbara Parkins), la fà cumpàgn. I dū però i n piàśan minga tant a sò mujér ma la gh'à da cumpatìr-'s-i listés parchè Myles 'l è sèmpar là da lōr. Un dè chi lò 'l impàra ch'al vèć Duncan 'l è drē a murìr ad leucemìa ma qvél ch'al n cgnós minga 'l è che lò e sò fiōla i tìn'n adrē a 'l cult ad Sàtana. A n pasa minga tant tèmp che difàti la Roxanne, maciànd-ag la frònt cun na didàda 'd un lìquid blù, la fà 'n rît ch'a spòsta la cusìnsa 'd sò pàd'r in dal còrp ad Myles. Mént'r al sò còrp vèć al vîṅ saplî, par Duncan a taca adès n'atra vita insém a la Paula. A 'l inìsi chi lē la n fà minga a mènt a 'l sò cumpurtamènt difarènt ma quànd lò al taca a tgnir di cuncèrt ch'al gh'iva da far Duncan a s capìs ch'a gh'è quèl ch'a traśa.

Culegamènt estéran