La fidélité
|
C'l artìcul chè 'l è scrit in
Miranduléś |
 La fidélité
| ||
| La fidélité | ||
 La Sophie Marceau in na figùra dal film | ||
| La fedeltà 2000 | ||
|---|---|---|
| Regìa: Andrzej Żuławski | ||
| Scritōr: Madame de La Fayette • Andrzej Żuławski | ||
| Atōr: Sophie Marceau • Guillaume Canet Magali Noël • Pascal Greggory • Michel Subor Aurélien Recoing • Marc François • Edith Scob Marina Hands • Edéa Darcque • Manuel Le Lièvre | ||
| Müsica: Andrzej Korzynski | ||
| Léngua: Francéś | ||
| Dürä dal film: 161 minüt | ||
| Nasiōṅ: Frància • Purtugàl | ||
La fidélité (La fedeltà) 'l è 'n film dramàtic francéś e purtughéś dal 2000 'd Andrzej Żuławski ch'al tōś ispirasiòṅ da 'l lìbar dal XVII sécul La prinsipésa 'd Clèves dla Madame de La Fayette.
Cla pelìcula chè l'à purtâ a cà 'n Swann 'd Òr a 'l Fèstival ad Cabourg acsè cuma l'atōra prutagunìsta, la Sophie Marceau. L'è custàda siē migliòṅ e tri ad dòlar ma la 'n à fat sù sōl òṅ e mèś.
Sunt
La Clélia (Sophie Marceau) l'è na futógrafa canadéśa cun dal talènt. Insém a sò màdar (Magali Noël), vècia cantànta 'd cabaret, la riva a Parì par tacàr a lauràr p'r un giurnàl scandàlistic ciamâ La Véra ad Rupert MacRoi (Michel Subor), un tèmp amànt ad sò màdar. Stand in redasiòṅ la gh'à la manéra 'd cgnósar di àtar sò culéga, la Diane (Edith Scob) e Jean (Manuel Le Lièvre).
Un dè, méntar l'è in gir a tiràr śò 'n negòsi 'd fiōr, l'incróśa Clève (Pascal Greggory), editōr ad lìbar par putèṅ piutòst imbranâ, muróś dla fiōla 'd MacRoi, la Genièvre (Julie Brochen), e fradèl 'd un prēt ciamâ Bernard (Aurélien Recoing). Anc se bèla impgnâ e lè lè par spuśàr-as, 'l óm al pèrd la tèsta par la futógrafa e 'l fà 'l amōr sèg.
Rupert al dmanda a la Clélia ad far un servìsi su la sò squàdra 'd hockey su 'l giàs e la dóna la và a tiràr śò i śugadōr mént'r i s càvan śò p'r andàr a far la dócia, pò la s fà dar da òṅ 'd lōr (Thomas Marty). Quànd Rupert al véd al fòto malnéti ch'l'à fat al l'invìda a na séna 'd famìja in dua però un ciùc Clève al vèra bóca par dir a tut ch'al vōl bèṅ a la Clélia. La Genièvre la manda a gambi a l'élta 'l matrimòni e 'editōr al pōl acsè spuśàr la Clélia anc se lē, in cal méntar, 'l à cgnusû 'n futógrafar ch'al gh piàś dimóndi, Fernand Némo (Guillaume Canet).