La famiglia Addams

Da Wikipedia.

C'l artìcul chè 'l è scrit in Miranduléś Emiliàn

The Addams Family
La famiglia Addams

La Ricci e Jimmy Workman in na figùra dal film
La famìja Addams
1991
Regìa: Barry Sonnenfeld
Scritōr: Charles Addams
Caroline Thompson • Larry Wilson
Atōr: Anjelica HustonRaúl JuliáChristina Ricci
Christopher LloydElizabeth WilsonJudith Malina
Dan HedayaCarel StruyckenJimmy Workman
Müsica: M.C. Hammer • Vic Mizzy • Marc Shaiman
Léngua: Ingléś
Dürä dal film: 99 minüt
Nasiōṅ: Stat Unî


«
La stranésa l'è 'n quèl relatìṿ.»
(Tagline dal film)


La famiglia Addams (La famìja Addams) 'l è 'n film fantàstic dal 1991 ad Barry Sonnenfeld ch'al tōś ispirasiòṅ da i persunàǵ creâ in di an Trénta par Charles Addams. Al gh'à abû dū séguit: La famiglia Addams 2 dal 1993 e La famiglia Addams si riunisce dal 1998 vgnû fóra però sōl p'r al marcâ d'l home video.

L'è stâ prudót par qvéi dla Paramount ch'i aṅ tòlt al pòst dla Orion Pictures ch'la gh'iva i dirìt e ch'l à pò decìś ad tgnir sōl qvéi internasiunàł. Custâ trénta migliòṅ ad dòlar, al film al 'n à pò catâ sù da piò ad sènt-nuant'òṅ.

La canta 'd MC Hammer Addams Groove, druàda in dal film, l'à vins un Razzie Awards p'r al pès più lòfi.

Sunt

La famìja Addams l'è na famìja americàna dimóndi strâna. Al cap famìja al s ciàma Gomez (Raúl Juliá) e al fuma sèmpar di sìgar, sò mujér l'è la Morticia (Anjelica Huston) na dóna ch'la s vistìs sèmp'r ad négar e ch'a gh piàś tajàr via 'l róśi par tgnir dacàt sōl i gamb c'n i spèṅ da mét'r in di vaś. La còpia la gh'à dū fiōi pìcui, la Mercurdè (Christina Ricci), na putìna ch'la taja via 'l tèsti a 'l sò bàmbuli, e Pugsley (Jimmy Workman), un ciciòṅ ch'al s divertìs a far saltàr p'r ària i sò trêṅ śugàtui. Sèg i gh'aṅ la nóna (Judith Malina), ch'l'è sèmpar daspatnàda ch'la pâr na stria, un majurdòm ch'a sumìlia dimóndi a Frankenstein, Lurch (Carel Struycken), al cuśèṅ It ch'al gh'à di cavìi ch'i rìv'n a i pē e Maṅ ch'la viṿ in na scatla ma ch'la pōl giràr da par lē. Purtròp al sîṅ Fester (Christopher Lloyd), òṅ ch'l impìsa 'l lampadìni miténd-'s-li 'n bóca, al s 'n è andâ da vint-sinc an parchè al s éra litgâ cun sò fradèl Gomez par na questiòṅ ad dóni.

Tut i an i Addams i al péscan faghénd dal sidùdi spirìtichi par dascórar sèg in dal da 'd là ma a n gh'è gnint da far. Adès i gh'aṅ da far i cònt cun na dóna ch'la gh vōl purtàr via di bèsi, l’Abigail Craven (Elizabeth Wilson).

Culegamènt estéran