La fabbrica dell'orrore
|
C'l artìcul chè 'l è scrit in
Miranduléś |
 Crucible of Terror
| ||
| La fabbrica dell'orrore | ||
 La Judy Matheson in na figùra dal film | ||
| La fàbrica dla scarésa 1971 | ||
|---|---|---|
| Regìa: Ted Hooker | ||
| Scritōr: Ted Hooker • Tom Parkinson | ||
| Atōr: Mike Raven • James Bolam • Mary Maude Ronald Lacey • Betty Alberge • Judy Matheson John Arnatt • Beth Morris • Melissa Stribling | ||
| Müsica: Paris Rutherford | ||
| Léngua: Ingléś | ||
| Dürä dal film: 91 minüt | ||
| Nasiōṅ: Régn Unî | ||
La fabbrica dell'orrore (La fàbrica dla scarésa) 'l è 'n film ad scarésa britànic dal 1971 ad Ted Hooker.
Sunt
John Davies (James Bolam), spuśâ cun na śōvna ciamàda Millie (Mary Maude), al fà 'l mercànt 'd art a Lóndra ma gl'afâr i n vànan minga tant bèṅ. La sōla òpra dla móstra ch'la gh'à sucès l'è na statṿa 'd metàl dna dóna nuda fata soquànt tèmp prima da 'l artìsta Victor Clare (Mike Raven). L'è acsè bèla ch'la pâr véra e difàti l'è stada fata vudànd dal metàl fûś a 'l intèran 'd un gus ad śmalta in du a gh'éra dènt'r al còrp imparśunâ dna mudèla ciamàda Chi-San (Me Me Lai).
Davies al s mét 'd acòrd c'n al fiōl bòndagnìnt e puòs d'l artìsta, Michael (Ronald Lacey), par fargàr dgl'atri òpri a sò pàd'r e spartìr-'s i guadàgn, pò 'l decìd 'd andàr a catàr-al diretamènt in dla sò cà iśulàda in Curnuvàglia purtànd-as sèg sò mujēr, Michael e la sò spóśa, la Jane (Beth Morris). Rivâ a destinasiòṅ al grup 'l armàgn lè a séna insém a la mujēr rimbambìda dal sgnōr Clare, la Dorothy (Betty Alberge), dal sò amìg Bill (John Arnatt) e dla mudèla Marcia (Judy Matheson), ch'la s cava śò p'r i sò quàdar.
John al s śibìs ad tōr soquànt dipìnt da Victor ma chi lò al vōl èsar pagâ subìt. Mént'r al galerìsta al s dà da far par catàr i bèsi in gir, la Jane la vîṅ masàda in cà a scurtlàdi méntar sò marè al fà la stésa fîṅ cupâ in spiàgia cun di cōlp ad préda in cô.