La casa di Helen
|
C'l artìcul chè 'l è scrit in
Miranduléś |
 House II: The Second Story
| ||
| La casa di Helen | ||
 Arye Gross e Jonathan Stark in na figùra dal film | ||
| La cà dl'Helen 1987 | ||
|---|---|---|
| Regìa: Ethan Wiley | ||
| Scritōr: Ethan Wiley • Fred Dekker | ||
| Atōr: Arye Gross • Jonathan Stark • Royal Dano Bill Maher • John Ratzenberger • Amy Yasbeck Lar Park-Lincoln • Gregory Walcott • Lenora May Dwier Brown • Devin DeVasquez • Ronn Carroll | ||
| Müsica: Harry Manfredini | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
La casa di Helen (La cà dl'Helen) l'è na cumèdia ad scarésa americàna dal 1987 'd Ethan Wiley, séguit dal film Chi è sepolto in quella casa? dal 1986. Al film, prudót par Sean S. Cunningham, in Itàglia 'l è cgnusû anc cuma La casa 6.
La pelìcula l'è stada bòna ad far sù sèt migliòṅ e òt ad dòlar.
Sunt
Jesse (Arye Gross) 'l è 'n ragàs americàṅ ch'un dè al decìd ad spatinàr p'r andàr a star insém a la muróśa Kate (Lar Park-Lincoln) in na cà ch'l'è da sèmpar stada ad qvéi dla sò rasa e ch'l'è cgnusùda cuma la „Cà dl'Helen“, la padròna che par prima la l'iva spianàda. Vint-sinc an prima al pàd'r ad Jesse 'l iva pardû la vita lè cupâ da 'n dèmun ch'al pascàva 'n tésć cun di putēr màgic.
A riva lè 'l sò amìg Charlie (Jonathan Stark) insém a la sò dóna, la Lana (Amy Yasbeck). Méntar Jesse al gira in cantìna al gh cata na foto 'd un sò nunòṅ (Royal Dano), ch'al purtàva un nóm cumpàgn dal suo, darènt a na céśa maya c'n un crani cun di brilànt in di òć. Pinsànd ch'al tésć al pòsa èsar stâ saplî sèg, al ragàs, insém a Charlie, al decìd 'd andàr a pascàr-'l in dla fòsa ma qvél ch'al gh cata dèntar 'l è al còrp pîṅ ad pighi ma incóra viṿ dal sò parènt.