La casa delle ombre maledette
|
C'l artìcul chè 'l è scrit in
Miranduléś |
 Night of Dark Shadows
| ||
| La casa delle ombre maledette | ||
 La Kate Jackson e David Selby in na figùra dal film | ||
| La cà dgl'òri maladìdi 1971 | ||
|---|---|---|
| Regìa: Dan Curtis | ||
| Scritōr: Dan Curtis • Sam Hall | ||
| Atōr: David Selby • Grayson Hall • Kate Jackson Lara Parker • John Karlen • Nancy Barrett | ||
| Müsica: Robert Cobert | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî | ||
La casa delle ombre maledette (La cà dgl'òri maladìdi) 'l è 'n film ad scarésa americàṅ dal 1971 ad Dan Curtis, séguit dal sò film d'l an prima La casa dei vampiri.
'L è stâ girâ in dal stat ad New York e 'l à fat sù un migliòṅ e quàt'r ad dòlar dòp ès'r-an custâ nuvsènt-mila.
Sunt
Quentin Collins (David Selby) e sò mujér Tracy (Kate Jackson) i èṅ na còpia 'd śōvan ch'i erèditan un castèl in campàggna. Quànd i rìvan là i càtan la guernànta Carlotta Drake (Grayson Hall), ch'la sà incòsa di fat sucès anc sècui prima, e 'l custōd, Gerard Stiles (Jim Storm). I s pòrtan sèg anc dū amìg, Alex Jenkins (John Karlen), scritōr ad rumànś ad scarésa, e sò mujér Claire (Nancy Barrett).
Stand lè Quentin, ch'al fà 'l pitōr 'd art astràta, 'l armàgn impresiunâ da i quàdar di mémbar dla sò rasa, specialmènt qvél dna bèla dóna biónda, l’Angelique (Lara Parker), amànta 'd òṅ ch'al gh sumìlia dimóndi, Charles Collins (David Selby), fradèl ad sò marè Gabriel (Christopher Pennock). La dóna l'éra stada impicàda 'l sècul prima parchè cardùda na stria ma l'iva prumìs ad turnàr a sò fiōla pìcula, la Sarah (Monica Rich).
Dòp che Quentin al diś a la Carlotta ch'ad nòt al gh'à di arbgàt ad chi persunàǵ lè, lē la gh cunfèsa 'd èsar la reincarnasiòṅ dla Sarah e lò ad Charles. Chi lò 'l éra stâ murâ viṿ in na cripta insém a 'l cadàv'r ad sò cugnàda.