La casa degli Usher (film 2006)
|
C'l artìcul chè 'l è scrit in
Miranduléś |
 The House of Usher
| ||
| La casa degli Usher | ||
.png) La Beth Grant in na figùra dal film | ||
| La cà di Usher 2006 | ||
|---|---|---|
| Regìa: Hayley Cloake | ||
| Scritōr: Edgar Allan Poe Collin Chang • Boyd Hancock | ||
| Atōr: Izabella Miko • Austin Nichols • Beth Grant Elizabeth Duff • Danielle McCarthy • Chris Eagan Stephen Fischer • Robin Kurian • Ann Howland | ||
| Müsica: Izabella Miko | ||
| Léngua: Ingléś | ||
| Dürä dal film: 81 minüt | ||
| Nasiōṅ: Stat Unî | ||
La casa degli Usher (La cà di Usher) 'l è 'n thriller psiculògic dal 2006 dla Hayley Cloake girâ in Massachusetts e trat da 'n racònt cic 'd Edgar Allan Poe da 'l tìtul “La crudàda dla cà di Usher”.
Sunt
L'infarméra Jill Masters (Izabella Miko) l'è turnàda puta da quànd al sò muróś Roderick Usher dit Rick (Austin Nichols), scrtitōr ad sucès, al l'à mulàda sénsa dar-ag spiegasiòṅ. Dòp tri an chi lò al s fà viṿ incóra lasànd-'g un mesàǵ in dla segreterìa telefònica dgénd-ag che purtròp sò surèla Maddy (Danielle McCarthy) l'è mòrta. Prima 'd saràr i òć par sèmpar la s éra però arcmandàda che la Jill l'andìs a 'l sò funeràł esénd dimóndi amìga sèg.
La Jill la partìs p'r al New England p'r andàr a cà di Usher e dòp la serimògna Rick al gh admànda 'd armàgnar sèg par soquànt dè parchè al gh'à 'n daspiaśēr tròp grôs in dal cōr esénd mòrta la sò śmèla ch'i éran dimóndi tacâ tant che quànd i éran nâ i s brasàvan bèla. In séguit Rick al gh cònta ch'al n stà minga tant bèṅ gnanc lò e che par tiràr avànti 'l è custrét a far-as far dal puntùri da na badànta, la sgnōra Thatcher (Beth Grant), ch'la viṿ lè in dla vila da dimóndi tèmp.
Piàn piàṅ i dū śōv'n i tàc'n incóra a 'vér di rapòrt in fiṅ tant ch'la Jill la n gh'à piò 'l mestruasiòṅ. 'L è a cal punt chè ch'la ragàsa la fà a mènt che tut i mémbar dla rasa di Usher i gh'aṅ sèmp'r abû dū fiōi, masć e fémna, che pò i sa spuśàvan fra 'd lōr. Inóltar la Thatcher la n la fà minga andàr in dal tasèl cuma s'la vlis lugàr quèl.