La camera verde

Da Wikipedia.

C'l artìcul chè 'l è scrit in Miranduléś Emiliàn

La chambre verte
La camera verde

La Nathalie Baye e Truffaut in na figùra dal film
La cambra vérda
1978
Regìa: François Truffaut
Scritōr: Henry James
François Truffaut • Jean Gruault
Atōr: François TruffautJean-Pierre Moulin
Nathalie BayeJean DastéPatrick Maléon
Antoine VitezMonique DuryJane Lobre
Müsica: Maurice Jaubert
Léngua: Francéś
Dürä dal film: 94 minüt
Nasiōṅ: Frància


«
Al rifiùt dla realtà dla mòrt turnànd indrē cun la mènt, lutànd cónt'r al scàndal dal daśmindgàr.»
(Tagline dal film)


La camera verde (La cambra vérda) 'l è film dramàtic dal 1978 ad François Truffaut trat da tri racònt 'd Henry James: ’L altàr di mòrt, Gl'amìg di amìg e La tigra in dla giùngla.

Al gh'à abû un bèl sucès fra i crìtic ma minga tant fra i spetadōr esénd che cla pelìcula chè l'è stada 'n fiàsc.

Sunt

Vèrs la fiṅ dla prima guèra mundiàla, in na sitadìna dla Frància, Julien Davenne (François Truffaut) al tórna a cà dòp di an a cumbàtar e al taca a lauràr a 'l giurnàł «Le Globe» tgnénd adrē specialmènt a i murtòri anc parchè la mòrt al l'à vduda da spés davśèṅ e cal pinsēr lè al gh 'l à sèmp'r in tèsta in tut i mumènt. Bernand (Jean Dasté), al sò capredatōr, al diś che lò 'l è 'l as ad brìscula in cal camp lè.

In dal piàṅ ad sōvar dla sò cà al s è fat un spasi in na cambra par tgnir dacàt tut al ròbi ch'i éran stadi ad sò mujér Julie (Laurence Ragon) ch'l'éra mòrta ùnd'ś an prima in dal fiōr dla sò vita. Adès 'l óm al viṿ insém a na vècia ch'la fà i fat in cà, la sgnōra Rambaud (Jane Lobre), e a Georges (Patrick Maléon), un ragàs ch'al n è minga bòṅ ad dascórar esénd anc sōrd.

Dòp ès'r andâ in a risć ad pèrd'r incòsa p'r un inséndi, Davenne al s decìd ad mét'r a pòst na capèla bandunàda e in ruìna davśèṅ a 'l simitèri in du l'è saplìda sò mujér par métar tut lè dèntar e p'r arcurdàr tut i sò mòrt anc parchè lò 'l è rivâ «a cal punt dla vita in dua a s cgnós più mòrt che viṿ». A dar-ag na maṅ a gh pènsa na śōvna segretària, la Cécilia Mandel (Nathalie Baye), ch'la dvènta sò amìga e fórsi anc quèl àtar. Un dè a mōr 'n óm pulìtic che soquànt tèmp prima 'l iva tradî Davenne, Paul Massigny (Serge Rousseau), ma ch'l éra anc stâ 'l amànt dla Cécilia. I rapòrt fra chi lē e 'l giurnalìsta i vaṅ a gambi a l'élta quànd la dóna la gh dmanda ad métar dal sò foto in dla capèla. Davenne al và in criśi, al s sèra in cà e al n magna piò.

Culegamènt estéran