La bonne
|
C'l artìcul chè 'l è scrit in
Miranduléś |
 La bonne
| ||
 La Trine Michelsen in na figùra dal film | ||
| La sérva 1986 | ||
|---|---|---|
| Regìa: Salvatore Samperi | ||
| Scritōr: Salvatore Samperi • Riccardo Ghione Alessandro Capone • Luca D'Alisera | ||
| Atōr: Florence Guérin • Trine Michelsen Cyrus Elias • Benito Artesi • Rita Savagnone Ida Eccher • Silvio Anselmo • Roberta Orlandi | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 82 minüt | ||
| Nasiōṅ: Itàglia • Frància | ||
La bonne (La sérva) 'l è 'n drama eròtic itagliàṅ e francéś dal 1986 ad Salvatore Samperi ch'al tōś ispirasiòṅ in na quàlc manéra da l'òpra teatràla „Les Bonnes“ ad Jean Genet.
Sunt
L’Angela (Trine Michelsen) l'è na ragàsa 'd campàggna che par vìvar, in di prim an dòp la secónda guèra mundiàla, la sarvìs na famìja bèṅ ad Vicénsa, qvéla d'l avucàt padròṅ 'd cà Giacomo Menegatti (Cyrus Elias). Durànt al dè, quànd la n fà mia i fat, la s véd dal vòlti ad nascòst c'n al sò amànt militàr Carlo (Lorenzo Lena) ma la ténd anc a śgranfgnàr via di bèsi ch'la cata in di casét, quaciàda par l’Anna Mattei (Florence Guérin), mujēr śōvna 'd Giacomo. Chi lē la gh'à sèmpar da badàr malvluntéra a la màdar vècia 'd sò marè (Ida Eccher), ch'a gh piàś che lē la gh lèśa i murtuàri di giurnài, anc parchè lò 'l è da spés impgnâ in dal cunsìli cumunàł, esénd un pulìtig dal partî cumunìsta, o a dascórar 'd pulìtica e dla rivulusiòṅ ungheréśa dal 1956 c'n al sò amìg Mario (Silvio Anselmo).
Stufa dla sò vita, par divertìr-'s un pôc, l’Anna la taca a 'ndàr fóra a la sira cun l’Angela e a far sès c'n un farmacìsta ciamâ Mario (Silvio Anselmo), pò la cunfìda i sò prubléma a sò surèla Giovanna (Rita Savagnone), ch'l'è puta e ch'la gh'à 'n mulèṅ tut suo, anc s'la patìs al fat 'd èsar da par lē.