L’Uspési (Rèz)

Da Wikipedia.

Artécol in dialèt arzân

L'Uspési ( Villa Ospizio in italiân) l ‘é un popolôṣ quartêr a matèina dal cèinter stôrich ed Rèz. Còsta l’é ‘na vècia véla ciamêda acsé per un Uspési, fundê int al 1668 da i Pêder Ménim, dóve gh’êra al Ricôver. Al fà pêrta ed la Circoscrisiòun Nord-Est (vècia N.6)

Geograféia[modifica | mudéfica la surzéia]

I cûnfîn ed l’Uspési în

  • a mezanôt: al câmpo vōlo "Sitê dal Triculôr",
  • a matèina: Véla Sân Mavrési e al Vilâg Stranieri,
  • a mezdé la zôna ditōrna a via Pier Giacinto Terrachini,
  • a sîra: Mirabèl e Zôna ed la Stasiòun dal ferovéi F.S.

Pôst religiōṣ[modifica | mudéfica la surzéia]

La cēṣa parochiêla ed l’Uspési l’é stêda tirêda só int al 1769 insém a ‘na capèla pió vècia dedichêda a Sân Francèsch da Paola. Arfâta tr’al 1815 e al 1839 ind la fōrma dal dé d’incō, la facêda l'é stêda finîda int al 1906, tóta la cēṣa l’é stêda restarvêda int al 1920. Sōvra 'l purtêl d’ingrès a gh’é ‘na bèla côpia só tèila dal Crést in Crōṣ ed Reni.

Curiositê[modifica | mudéfica la surzéia]

Insém a la via Emélia ed frûnt al ristorânt “Mac Donalds” a gh’é ‘na vèla in mèz al vèird, l’éra la cà dal famōṣ tenôr arzân Ferruccio Tagliavini. Fîn a la fîn ed la guèra a l’Uspési a gh’êra la cà dal fâsio. Sté fabrichêt, cambiê e mudê ind al cōrs di ân, al gh’é incòra. L’é ind l’ângol tra la via Emélia e via Maria Melato, ed fiânch al “Mac Donalds”.