Lèg ed Suvièna
Artéccol in dialàtt bulgnaiṡ
Al Lèg ed Suvièna l'è un basén artificièl fât da l'ômen trè só dal 1928, ai ténp dal Fâsio, int'l Apenén bulgnais ed cô d'la vâl d'la Limäntra. Äl dåu rîv i mójen la cmónna ed Camugnàn a maténna e 'd Castèl d Chèsi a sîra. L'âcua la fà zirèr dåu centrèl par prodûser energî: ónna l'è a vâl, l'ètra l'è insó e la tôl l'âcua dal basén dal Brasimån.
L'è dänter al pârc regiunèl dî lèg ed Suvièna e dal Brasimån.
.