Là
|
C'l artìcol chè 'l è scrit in
Carpśàn |
Là (cùma in itagliàn), e anca lè, egl'ìn di avérbi 'd póst, e i vólen dìr in cal póst lè, mìa chè śvèin. Là al vōl indichèr un post piò luntàṅ che 'l avérbi lè, sèimper però piò luntàn da indû a sòm nuèter rispêt a 'l "chè". 'L avérbi là al rispònd a la dmànda "Indû?" (in itagliàn "Dove?").
Manéri 'd dir
- (EGL) Ded sà e ded là!, (IT) Di qua e di là.
- (EGL) Vin chè, va là!, (IT) Vieni qui, su!
- (EGL) Mo và là!: per esprimere stupore, (IT) Addirittura!
- (EGL) Vàmo là!, (IT) Vai a quel paese!
- (EGL) Vardèr ded sà e ded là, (IT) Guardare a destra e a sinistra.
- (EGL) Lasa lè!, (IT) Smettila!
- (EGL) Èser piò ded là che ded sà!, (IT) Essere quasi morto[1].
- (EGL) Lè, la dgìva cla mùta (manéra 'd dir aluśìva, a intènder che in sert mumèint picànt, s'a gh fùs di dùbi, la dòna anca mùta, la cata 'l istès la vōś p'r insgnèr in dû 'l andrèv mìs), (IT) Lì, diceva la muta.
Dìt "'L òli 'l è lè"
(EGL) 'L òli 'l è lè,
l'alla l'è là,
ē-la lè la lomma?[2]
(IT) L'olio è lì,
la pentola è là,
è lì il lume?