L'uomo dall'occhio di vetro
|
C'l artìcul chè 'l è scrit in
Miranduléś |
 Der Mann mit dem Glasauge
| ||
| L'uomo dall'occhio di vetro | ||
 Otto Czarski in na figùra dal film | ||
| 'L óm da 'l òć ad vēdar 1969 | ||
|---|---|---|
| Regìa: Alfred Vohrer | ||
| Scritōr: Edgar Wallace Paul Hengge • Ladislas Fodor | ||
| Atōr: Horst Tappert • Karin Hübner • Ilse Pagé Fritz Wepper • Stefan Behrens • Otto Czarski Hubert von Meyerinck • Heidrun Hankammer Christiane Krüger • Marlies Dräger • Maria Litto | ||
| Müsica: Peter Thomas | ||
| Léngua: Tedésc | ||
| Dürä dal film: 87 minüt | ||
| Nasiōṅ: Germàgna Òvest | ||
L'uomo dall'occhio di vetro (’L óm da 'l òć ad vēdar) 'l è 'n thriller tedésc dal 1969 'd Alfred Vohrer trat da 'n rumànś 'd Edgar Wallace.
'L è stâ girâ a Ambûrg, Berlîṅ e Lóndra.
Sunt
La Leila (Heidrun Hankammer), balarìna in un club ad Lóndra ciamâ "Las Vegas Girls", la gh'à apuntamènt in albêrg c'n al sò amànt ch'al gh'à da far-ag firmàr un cuntràt, al sgnōr Jefferson (Kurd Pieritz). Cla nòt lè, mént'r i èṅ a lèt, a riva dènt'r a la cambra na parsòna cun na mascra adòs ch'la tira 'n curtèl drit a 'l cōr d'l óm masànd-al. Ravanànd in dla bisàca dal sò custùm 'l ispetōr Perkins (Horst Tappert) e cla suca vōda ad Sir Arthur ad Scotland Yard (Hubert von Meyerinck) i càtan 'n òć ad vēdar. La ragàsa invéci la cata la mòrt in séguit méntar l'éra drē a preparàr-as p'r al próvi 'd un balét a teàtar, in dal méntar ch'la s mitìva adòs na mascra da gata impinìda 'd vlèṅ.
Fra i suspetâ da Perkins, jutâ in dgl'indàśin da 'l sergìnt Pepper (Stefan Behrens), i sàltan fóra subìt al tiradōr ad curtèi Rubiro (Jan Hendriks), ch'a gh in cala giùst òṅ da la sò culesiòṅ ad dódas, 'l antiquàri Nuthatcher (Rudolf Schündler) e 'l vintrìluqṿ Eric (Otto Czarski). Chi lò al ricàta la balarìna Yvonne Duval (Karin Hübner), ligàda a 'l nòbil Lord Bruce Sheringham (Fritz Wepper), parchè al sà 'n sò segrét ad quànd la lauràva in d'l Amèrica dal Sud. Ma 'n sasèṅ cun adòs la fàcia dal sò pupàs 'l al stràngla subìt dòp.
In cal méntar Perkins al capìs che 'l òć ad vēdar 'l è 'n lasa-pasàr p'r un club ad bigliàrd in du a s vénd dla dròga e in du i s fànan sù dal ragasōli da purtàr in di burdèi dal Sud-Amèrica.