L'ossessa - I raccapriccianti delitti di Monroe Park
|
C'l artìcul chè 'l è scrit in
Miranduléś |
 The Touch of Satan
| ||
| L'ossessa - I raccapriccianti delitti di Monroe Park | ||
 La Gerson e l'Emby Mellay in na figùra dal film | ||
| L'usèsa - I delìt ch'i faṅ scarésa 'd Monroe Park 1971 | ||
|---|---|---|
| Regìa: Don Henderson | ||
| Scritōr: James E. McLarty | ||
| Atōr: Michael Berry • Emby Mellay • Lee Amber Yvonne Winslow • Jeanne Gerson • Lew Horn | ||
| Müsica: Robert O. Ragland | ||
| Léngua: Ingléś | ||
| Dürä dal film: 90 minüt | ||
| Nasiōṅ: Régn Unî | ||
L'ossessa - I raccapriccianti delitti di Monroe Park (L'usèsa - I delìt ch'i faṅ scarésa 'd Monroe Park) 'l è 'n film ad scarésa indipendènt americàṅ dal 1971 ad Don Henderson girâ fra 'l 1968 e 'l 1970 a Santa Ynez (Califòrgna).
Sunt
Jodie Lee Thompson (Michael Berry) 'l è 'n śōvan uriginàri 'd Austin, in du 'l viṿ sò pàd'r avucàt, ch'al gh'à d'andàr a San Francisco cun la sò màchina nóva. Lung la via al decìd ad farmàr-as lung un fiùm par magnàr un panèṅ in dal sit di Strickland. La fiōla dal cap-famìja Luther (Lee Amber), la Melissa (Emby Mellay), la s mét a dascórar sèg, pò la 'l invìda a séna. La ragàsa, ch'la s è inamuràda 'd lò, la gh śìbìs anc 'd armàgnar lè a durmìr ch'a s è fat tard. Sò màdar Molly (Yvonne Winslow) la gh mét a dispuśisiòṅ la cambra da lèt di òspit.
Mént'r al śōv'n al s prepàra p'r andàr a punsàr, na vècia cun la ghigna ruinàda da na bruśadùra ciamàda Lucinda (Jeanne Gerson) la gh s para davànti e la gh diś 'd andàr via ma la Melissa la próa a mét'r a taśēr al ròbi. Al dè dòp, in dal pudēr, a riva 'l sierìf John Mason (Lew Horn) ch'al vōl far luś su 'l masamènt 'd un cuntadèṅ vśèṅ 'd cà di Strickland, un vèć cupâ soquànt dè prima. Dòp avēr catâ dal sànguv in mèś a l'èrba e 'l furcàr druâ par masàr-al, al sierìf al s mét in màchina par lasàr al sit ma 'l vîṅ fat fóra da na Lucinda c'n al diàv'l adòs. Luther al decìd ad far pasàr cal cupamènt lè par na daśgràsia, 'n incidènt in màchina.
In paéś, in cal méntar, a gira la vōś ch'la Melissa la sia na stria.