L'occhio che uccide
|
C'l artìcul chè 'l è scrit in
Miranduléś |
 Peeping Tom
| ||
| L'occhio che uccide | ||
 Karlheinz Böhm in na figùra dal film | ||
| 'L òć ch'al masa 1960 | ||
|---|---|---|
| Regìa: Michael Powell | ||
| Scritōr: Leo Marks | ||
| Atōr: Karlheinz Böhm • Shirley Anne Field Moira Shearer • Anna Massey • Maxine Audley Nigel Davenport • Brenda Bruce • Jack Watson Miles Malleson • Esmond Knight • Martin Miller Michael Goodliffe • Pamela Green • Keith Baxter | ||
| Müsica: Brian Easdale | ||
| Léngua: Ingléś | ||
| Dürä dal film: 101 minüt | ||
| Nasiōṅ: Régn Unî | ||
L'occhio che uccide (’L òć ch'al masa) 'l è 'n thriller ingléś dal 1960 ad Michael Powell. In ingléś al “Peeping Tom” (a s lèś /ˌpiːpɪŋˈtɒm/, „Pîpiṅ Tam“, cun la A dimóndi ma dimóndi vèrta) al n è àtar ch'un spurcaciòṅ ch'al gh cata gust a guardàr chi àtar.
A 'l èstar 'l è cgnusû c'n i tìtui 'd “El fotógrafo del pánico” in Spaggna, “Le voyeur” in Frància, “Augen der Angst” in Germàgna, “Face of Fear” in di Stat Unî e “A Tortura do Medo” in di Braśìl.
Sunt
Mark Lewis (Karlheinz Böhm) 'l è 'n óm sulitàri ch'al vrév dvintàr un regìsta ma, in dal méntar, par catàr sù quèl al fà dal foto par cònt 'd un giurnalàr tirànd śò dal dóni cavàdi śò. Quànd 'l éra pìcul (Columba Powell) sò pàdar A.N. (Michael Powell), ad mistēr siensiâ e biòlug, 'l al tulìva sèmpar śò faghénd di esperimènt sèg par studiàr la paùra in di putèṅ. Un dè al fà védar chi filmâ lè a na sò vśina 'd cà dimóndi dólsa, l’Helen (Anna Massey), ch'la viṿ insém a sò màdar ch'l'è órba, la sgnōra Stephens (Maxine Audley).
Dvintâ śuvnòt, adès Mark 'l è 'n guardòṅ, al gh'à 'l ciòld fis ad tgnir 'd òć chi àtar e 'l al fà cun la sò tele-camra ch'al gh'à sèmpar sèg. Ma al fà anc ad pèś: al cópa dal dóni, cuma la Vivian (Moira Shearer), c'n un pugnàł tacâ atàc a la sò tele-camra acsè al pōl tiràr-i śò méntar pîni 'd paùra i védan la mòrt cuma 'l fava lò da pìcul cun sò pàdar.