L'età acerba

Da Wikipedia.

C'l artìcul chè 'l è scrit in Miranduléś Emiliàn

Les roseaux sauvages
L'età acerba

Gaël Morel e la Bouchez in na figùra dal film
L'età aśèrba
1994
Regìa: André Téchiné
Scritōr: Olivier Massart
Gilles Taurand • André Téchiné
Atōr: Gaël MorelÉlodie BouchezMichel Ruhl
Stéphane RideauFrédéric GornyFatia Maite
Jacques NolotPaul SimonetMichèle Moretti
Müsica: /
Léngua: Francéś
Dürä dal film: 110 minüt
Nasiōṅ: Frància


L'età acerba (L'età aśèrba) 'l è 'n film dramàtic francéś dal 1994 'd André Téchiné, vinsidōr ad quàtar Prèmi César

La pelìcula, ch'lè custàda tri migliòṅ e òt ad dòlar faghénd-an pò sù sinc e dū, l'è stada preśentàda a la 47śma edisiòṅ dal Fèstival ad Cannes in dla sesiòṅ Un Certain Regard.

Sunt

Serge Bartolo (Stéphane Rideau), fiōl dna famìja uriginària dl'Itàglia, e François Forestier (Gaël Morel) i èṅ dū śōvan francéś ch'in di an ssanta, durànt la guèra 'd Algerìa, i frequént'n un lìceo 'd pruvìnsa in dal sud-òvest dal paéś. François 'l è òṅ di studènt più brâṿ e 'l gh'à na relasiòṅ platònica cun la Maïté Alvarez (Élodie Bouchez), fiōla dla sò insgnànta 'd létri.

Pierre (Eric Kreikenmayer), al fradèl più grand ad Serge, p'r a n andàr minga in guèra 'l à spuśâ na śōvna dal paéś ma, esénd ch'a n è mia stâ asâ, al dmanda ajùt par diśentàr a la sgnōra Alvarez (Michèle Moretti), respunsàbila dal partî cumunìsta dla regiòṅ. Chi lē la gh diś ad nò e Pierre 'l è custrét a partìr cóntar-vója.

Par far-as jutàr in létri, in du al gh'à di prubléma, Serge al s davśìna a François par cavàr-'g-la a pasàr i còmpit in clas c'n al sò ripetisiòṅ. I dū i dvènt'n amìg ma François, ch'l è fnòć ma 'l fà fadìga a vèrar-'s, al vrév un quèl da piò. Purtròp par lò a n gh'è gnint da far parchè a Serge i gh piàś'n al dóni e la Maïté in particulàr, ma chi lē, p'r al mumènt, la n in vōl savēr gnint dal sès, specialmènt ad Serge.

Culegamènt estéran