L'erba di Grace
|
C'l artìcul chè 'l è scrit in
Miranduléś |
 Saving Grace
| ||
| L'erba di Grace | ||
 Na figùra dal film | ||
| L'èrba ad Grace 2000 | ||
|---|---|---|
| Regìa: Nigel Cole | ||
| Scritōr: Mark Crowdy • Craig Ferguson | ||
| Atōr: Brenda Blethyn • Bill Bailey • Martin Clunes Tchéky Karyo • Jamie Foreman • Tristan Sturrock Craig Ferguson • Valerie Edmond • Leslie Phillips | ||
| Müsica: Mark Russell | ||
| Léngua: Ingléś | ||
| Dürä dal film: 93 minüt | ||
| Nasiōṅ: Régn Unî | ||
L'erba di Grace (L'èrba ad Grace) l'è na cumèdia ingléśa dal 2000 ad Nigel Cole ch'l'à vins al prim prèmi a 'l Sundance Film Festival dal 2000. C'n un budget ad siē migliòṅ ad dòlar, la 'n à fat sù pò quarànta-siē.
Tulénd spunt da i fat cuntâ in dal film, in Itàglia a gh'è stâ 'n camiunìsta ad stanta-sinc an ch'l à fat cumpàgn a la Grace[1].
Sunt
La Grace (Brenda Blethyn) l'è na dóna ch'la gh'à i sò an e la viṿ in Curnuvàglia e ch'la s pasa 'l tèmp tgnénd a drē a di giardèṅ. Armàśa védva, la vîṅ a savér che sò marè al gh'à lasâ, prima ad tōr-as la vita butànd-as śò da 'n aparéć sénsa 'l paracadû, dimóndi dèbit, un quèl cuma 300.000 starlìni. Dòp avér pasâ la sò vita faghénd la raśdóra cuma tut chi àtri dóni dal sò paéś, tulénd al tè a sinc óri dopmèśdè, cuma pōl-la far par catàr sù tut i bèsi ch'i gh vōlan?
A n saénd cuśa far, la Grace la decìd ad tōr ispirasiòṅ da 'l visi dal sò giardinēr scuséś Matthew (Craig Ferguson), òṅ ch'al s fà dal cani a tut andàr, e la taca acsè a tiràr sù dal piantìni ad marijuàna da véndar pò in di marcâ lundinéś. Al fój i crésan bèṅ ma chi lōr dū i èṅ dimóndi pastisòṅ e i càtan di prubléma in dal vénd'r-i. Un dè pò la Grace la fà 'n śbali e la sarvìs un tè a i sò òspit druànd c'l ingrediènt lè e tut i vénan tòlt da la cretinìśia.
Dòp èsar-'s misa cun Jacques (Tchéky Karyo), un malvivènt dal pòst, la Grace la gh la cava a muciàr sù di bèsi scrivénd invéci un rumànś da 'l tìtul "The Joint Venture" ch'al dascór ad fat cumpàgn a qvéi ch'i èṅ sucès a lē.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit dla Cunferénsa Episcupàla
Nòti
- ↑ Camiunìsta ad 75 an al tira sù dla marijuàna in giardèṅ “Nuàtar ispirâ a 'l film «L’Erba di Grace»” lastampa.it, 14 ad Śnar dal 2015