L'attimo fuggente

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Dead Poets Society
L'attimo fuggente
Attimo fuggente.png
Robin Williams in na figùra dal film
'L àtim ch'al scapa via
1989
Regia: Peter Weir
Scritùr: Tom Schulman
Atùr: Robin WilliamsRobert Sean Leonard
Ethan HawkeJosh CharlesGale Hansen
Müsica: Maurice Jarre
Lengua: Ingléś
Dürä dal film: 128 minüt
Nasiòṅ: Stat Unî


«
Par lōr 'l éra 'l ispiradōr dna nóva straurdinària eśisténsa.»
(Tagline dal film)


L'attimo fuggente (’L àtim ch'al scapa via) 'l è na cumèdia dramàtica dal 1989 ad Peter Weir scrita par Tom Schulman che par cal lavōr chè 'l à vins al Prèmi Òscar par la senegiadùra uriginàla. L'è stada preśentàda a 'l 46śum Fèstival ad Venèsia.

Custàda sédas migliòṅ e quàt'r ad dòlar, la 'n à pò purtâ a cà da piò ad duśènt-trentasìnc.

Sunt

'L insgnànt ad létri John Keating (Robin Williams) al taca a lauràr a 'l culéǵ par masć "Welton" in du al stùdia 'l śōvan Neil Perry (Robert Sean Leonard). Chi lò al tîṅ adrē a 'l sò lesiòṅ in dua 'l prufesōr al s arcmànda ad „cójar 'l àtim“ prima ch'a sia tròp tard, cum i dgìv'n i latìṅ c'n al sò carpe diem, e a pinsàr cun la sò tèsta e a guardàr al ròbi cun di punt ad vista difarènt. Al pàdar dal ragàs, Tom (Kurtwood Smith), al n è briśa tant dl'idéa e al s mét ad travèrs parchè al n vōl mia che sò fiōl al s dastràga cun dal cajunàdi da gènar.

Keating al gh'à na manéra fóra d'l urdinàri 'd insgnàr e i sò studènt i èṅ da la sò banda. Neil al vōl a tut i cóst ciapàr na part in “Insùni dna nòt dla mità dl'Istâ” ad William Shakespeare tant ch'l al cònta a 'l sò cumpàgn ad cambra, al tìmid Todd Anderson (Ethan Hawke). Charlie Dalton (Gale Hansen) invéci al scriv 'n artìcul p'r al giurnàl dla scóla in du al dmanda ch'anc al ragàsi i pòsan vgnir a studiàr-ag. Al prèsid Nolan (Norman Lloyd) al s arlìa dimóndi e al preténd ch'la cumisiòṅ sculàtica la vèra n'indàśin. Charlie al vèṅ punî ma al n fà minga i nóm di sò cumpàgn ch'i fànan part dla grup di “puéta estìnt”.

In cal mént'r al pàd'r ad Neil al gh 'n à abàsta e al vōl che lò al faga subìt al valìś.

Culegamènt estéran