L'attacco delle sanguisughe giganti

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Attack of the Giant Leeches
L'attacco delle sanguisughe giganti
Attacco delle sanguisughe giganti.png
Emmet e la Vickers in na figùra dal film
’L atàc dal sangvétuli gigànti
1959
Regia: Bernard L. Kowalski
Scritùr: Leo Gordon
Atùr: Ken ClarkYvette VickersJan Shepard
Michael EmmetBruno VeSotaGene Roth
Müsica: Alexander Laszlo
Lengua: Ingléś
Dürä dal film: 62 minüt
Nasiòṅ: Stat Unî


«
La paùra la s insfilsarà in dla tò carna in fiṅ tant che tut i néruv dal tò còrp i scupiaràṅ!»
(Tagline dal film)


L'attacco delle sanguisughe giganti (’L atàc dal sangvétuli gigànti) 'l è 'n film ad scarésa fantasientìfic in biànc e négar dal 1959 ad Bernard L. Kowalski, prudót par Roger Corman.

La pelìcula, giràda c'n un budget stimâ ad setsènt-mila dòlar, l'è dvintàda 'd dumìni pùblic in di Stat Unî.

Sunt

Na nòt, méntar 'l è drē a pascàr dal trapli di bracunēr in un padól dla Flòrida insém a la sò muróśa Nan (Jan Shepard), al guàrdia-casa Steve Benton (Ken Clark) al sènt na dóna sigàr. A s trata dla Liz (Yvette Vickers), mujēr dal barìsta ciciòṅ Dave Walker (Bruno VeSota), ch'l à péna vdû Lem Sawyer (George Cisar) masâ ad òpra 'd un móstar ch'al pâr un fōlp. Chi lò la sira prima 'l iva dit 'd avēr tirâ sinc sćiuptàdi a na bèstia cun di bras ch'la s lugàva in mèś a l'àqua. P'r al sierìf dla cuntèa, Kovis (Gene Roth), 'l óm 'l è però stâ vitma 'd 'n aligadōr.

Méntar Steve al và a pascàr al móstar in di canài ch'i pàsan p'r Everglades, la Liz la s véd c'n al sò amànt Cal Moulton (Michael Emmet) in dal padól, prufitànd dal fat che sò marè 'l è via, ma pò i èṅ bcâ listés mént'r i èṅ drē a far i purcùs in mèś a l'èrba. Dave al vōl far un śuglèṅ sèg, far-i scapàr via e pò cùrar-'g adrē c'n al sćiòp par spavintàr-i. Durànt 'l inseguimènt i dū amànt i vìnan però masâ par na còpia 'd sangvétuli gigànti ch'i sàltan fóra da l'àqua par ciapàr-i. Al sierìf al n créd briśa a la stòria cuntàda da 'l barìsta esénd sicûr invéci che lò al i àppia masâ par geluśìa, dònca 'l al spedìs in parśòṅ in du Dave al s tōś la vita.

Culegamènt estéran