L'assedio dei morti viventi

Da Wikipedia.

C'l artìcul chè 'l è scrit in Miranduléś Emiliàn

Children Shouldn't Play
with Dead Things
L'assedio dei morti viventi

Paul Cronin e la Jane Daly in na figùra dal film
'L asédi di mòrt viṿ
1972
Regìa: Bob Clark
Scritōr: Bob Clark • Alan Ormsby
Atōr: Alan OrmsbyAnya OrmsbyJane Daly
Valerie MamchesJeff GillenPaul Cronin
Roy EnglemanRobert PhilipSeth Sklarey
Müsica: Carl Zittrer
Léngua: Ingléś
Dürä dal film: 87 minüt
Nasiōṅ: Stat Unî


«
At sē invidâ a la fèsta dla "Vgnuda fóra" 'd Orville... A gh sarà 'n sîg... AL TÓV!!!»
(Tagline dal film)


L'assedio dei morti viventi (’L asédi di mòrt viṿ) 'l è 'n film ad scarésa americàṅ dal 1972 ad Bob Clark, girâ in Flòrida c'n un budget stimâ 'd stanta-mila dòlar.

Sunt

Alan (Alan Ormsby) 'l è 'n regìsta teatràl ch'al gh'à intensiòṅ ad far un spetàcul su n'ìśula darènt a la sità 'd Miami in du na vòlta i gh saplìv'n i criminài fóra 'd tèsta. Dòp avēr tòlt na barca, a gh riva insém a la sò jutànta patalùca Anya (Anya Ormsby), a la còpia 'd muróś Paul (Paul Cronin) e la Terry (Jane Daly), a la santóna new age Valerie (Valerie Mamches), a 'l ciciòṅ Jeff (Jeff Gillen), a Roy (Roy Engleman), a Emerson (Robert Philip) e a Winns (Bruce Solomon).

Al grup di atōr al riva a 'n cottage in du i gh'aṅ da pasàr la nòt. Alan al tira fóra 'n vistî mìstic e 'n lìb'r ad striarìi e 'l diś a i sò cumpàgn ch'al vōl far un spetàcul tirànd fóra da la casa da mòrt un cadàvar, qvél 'd Orville Dunworth (Seth Sklarey), e che tut i gh'aṅ da far cum al diś lò o sinò al i licensiarà. Dòp èsar-'s spustâ a 'l campsànt, Alan al dmanda a 'l Diàvul ad far turnàr in vita i mòrt ma a pâr ch'a n sucéd gnint, a pâr sōl però.

Culegamènt estéran