L'assassino è tra di noi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg A Killer Within
L'assassino è tra di noi
Assassino è tra di noi.png
Thomas Howell e la Young in na figùra dal film
Al sasèṅ 'l è nòsc
2004
Regia: Brad Keller
Scritùr: Chris Peirson • William Peirson
Atùr: C. Thomas HowellSean YoungBill Flynn
Ben BrowderSusana GibbGiancarlo Esposito
Mark HansonDedee PfeifferMaurice Ripke
Müsica: William Richter
Lengua: IngléśSpagnōl
Dürä dal film: 108 minüt
Nasiòṅ: Stat Unî


«
La mujēr masàda! Al marè inculpâ! Cuma pōl-al dimustràr 'd ès'r inusènt?»
(Tagline dal film)


L'assassino è tra di noi (Al sasèṅ 'l è nòsc) 'l è thriller americàṅ dal 2004, girâ par Brad Keller c'n un budget stimâ 'd otsènt-sinquantamìla dòlar.

Sunt

Addison Terrill (C. Thomas Howell) 'l è 'n avucàt penalìsta dimóndi famóś ad Dàllas. In dal sò studi al s è purtâ al sò amìg più grand da i tèmp dla scóla, Sam Moss (Ben Browder). Chi lò 'l è spuśâ cun la Sarah (Dedee Pfeiffer) ma al patìs al fat 'd a n avér incóra abû fiōl. Addison invéci un putèṅ pìcul al gh 'l à, Christopher (Quinn Lujan), ma sò mujér Rebecca (Sean Young), dita “Becky”, la n è minga na màdar ch'la gh tégna dimóndi, tut àtar, la s è fata saràr anc al tubi p'r a n andàr briśa in a risć 'd avér-an 'n àtar. La Rebecca la vrév pasàr più tèmp cun sò marè ma quàl là 'l è sèmp'r impgnâ par lavōr.

Na nòt, turnànd a cà, Addison al cata dintór'n a la sò vila un muć ad pulisiòt e a gh vèṅ al magòṅ. Sò mujér l'è stada cupàda a lèt e 'l sò putèṅ śbatû par tèra. In si mur a gh'è scarabuciàda na fraś ch'la śéla 'l sangṿ: “Adès a sém para”. A 'l avucàt a gh vèṅ in mènt che soquànt tèmp prima al s éra dâ da far par far cundanàr al stupradōr Sonny Bruton (Mark Hanson), òṅ ch'l iva ligâ a lèt tri dóni a la stésa manéra ch'l'éra sucèsa a la Rebecca. Ma 'l criminàł 'l è in parśòṅ, o méj, al gh'éra in fiṅ a sinc dè prima parchè adès 'l è lìbar c'n un patéǵ. Par catàr in du 'l è, Addison al dmanda ajùt a 'n ex pulisiòt, Vargas (Giancarlo Esposito).

Culegamènt estéran