L'assassino... è al telefono

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg L'assassino... è al telefono
Assassino è al telefono.png
L'Anne Heywood in na figùra dal film
Al sasèṅ... 'l è a 'l telèfun
1972
Regia: Alberto De Martino
Scritùr: Adriano Bolzoni • Renato Izzo
Alberto De Martino • Lorenzo Manning
Vincenzo Mannino
Atùr: Telly SavalasWilleke von Ammelrooy
Anne HeywoodAntonio GuidiGiorgio Piazza
Osvaldo RuggeriAda PomettiMarc Audier
Roger Van HoolRossella FalkSuzy Falk
Müsica: Stelvio Cipriani
Lengua: Itagliàṅ
Dürä dal film: 105 minüt
Nasiòṅ: ItàgliaBélgi


«
Un śal internasiunàł ch'al fà vgnir i śgriśōr.»
(Tag-line dal film)


L'assassino... è al telefono (Al sasèṅ... 'l è a 'l telèfun) 'l è 'n film śal dal 1972 'd Alberto De Martino.

In di marcâ ingléś 'l è cgnusû cuma The Killer Is on the Phone o anc cuma Scenes From a Murder.

Sunt

L’Eleanor Loraine (Anne Heywood) la riva in naṿ a Bruges in du la viṿ. Méntar l'è drē a ciamàr a 'l telèfun sò surèla Dorothy (Willeke von Ammelrooy) la véd un tisi ad nóm Ranko Drasovic (Telly Savalas), ch'la pâr cgnósar, e la pèrd i sèns. Purtàda a 'l prònt sucōrs, la vèṅ curàda p'r al dutōr Chandler (Antonio Guidi), ma l'à pardû i sò arcòrd di ùltim sinc an. I rìvan lè subìt sò marè George (Giorgio Piazza), al sò culéga atōr Thomas Brown (Osvaldo Ruggeri), che lē la créd al sò amànt, e la surèla ma l’Eleanor la gh'à in mènt sōl al sò vèć muróś Peter Vervoort (Roger Van Hool). La sò mòrt in 'n incidènt in màchina la gh'à squasâ la mènt lasànd-la in un stat ad shock e in di sò arbgàt la véd sèmpar la ghigna ad Ranko.

Dòp èsar-'s armìsa, la tórna a lauràr in dal teàtar fiamìng dla Margareth (Rossella Falk), surèla ad Peter, per pruàr la part dla Lady Godiva ch'la gh'à da far par sàbat ma, invéci ad recitàr al cupiòṅ giùst, la tira fóra 'n munòlug da 'l Macbeth, ségn ch'la n è minga tant in bóla. La Margareth la créd che lē la faga na cumèdia e in tut al manéri la vrév mét'r a 'l sò pòst la Dorothy p'r a n far bruta figùra. Al cambi 'd prugràma al gh cósta câr parchè Ranko al la scurtèla cardénd-la la surèla.

Culegamènt estéran