L'assassinio di Sister George

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Killing of Sister George
L'assassinio di Sister George
Assassinio di sister george.png
La Reid e la York in na figùra dal film
Al masamènt dla Surèla George
1968
Regia: Robert Aldrich
Scritùr: Frank Marcus • Lukas Heller
Atùr: Beryl ReidSusannah YorkCoral Browne
Ronald FraserPatricia MedinaHugh Paddick
Müsica: Gerald Fried
Lengua: Ingléś
Dürä dal film: 138 minüt
Nasiòṅ: Stat Unî


«
La stòria ad tri adûlt ch'i saṅ qvél ch'i faṅ in dal sarâ 'd cà sua.»
(Tagline dal film)


L'assassinio di Sister George (Al masamènt dla Surèla George) 'l è 'n film dramàtic dal 1968 ad Robert Aldrich ch'al fà suo 'n adatamènt p'r al teàtar ad Frank Marcus ad quàt'r an prima.

Custâ dū migliòṅ e mèś ad dòlar, al 'n à pò purtâ a cà 'l dópi a 'l incìrca.

Sunt

La June Buckridge (Beryl Reid) l'è n'atōra ch'la gh'à i sò an e che da quàtar stagiòṅ la pòrta avànti a la televiśiòṅ par la BBC la part dla dólsa Surèla George, n'infarméra ch'la gh'à sèmpar na paròla bòna par tut e ch'la s fà in quàtar par jutàr chi àtar. A difarénsa da 'l sò persunàǵ, chi lē la gh'à invéci tut àtar caràtar parchè l'è na dóna ch'la s arlìa da spés e da i śgarb facìi, sénsa cuntàr ch'l'è anc n'imbariagòsa. A viṿ sèg la sò śóvna amànta, l’Alice McNaught (Susannah York) dita "Childie", ch'la patìs la sò geluśìa avénd anc un caràtar infantìl.

Al ròbi i vànan pò a ròtui quànt la June la naśa quèl, priciśamènt che quéi dla prudusiòṅ i la vrévan far fóra da 'l prugràma. Durànt na fèsta in un bar par lèśbichi, in dua al dū dóni vistìdi da Stanlio e Ollio i ciàm'n anc na dirigìnta dla cadéna TV, la Mercy Croft (Coral Browne), chi lē la gh diś ciàr e tónd ch'in dla puntàda ch'la gh'à da vgnir, la George la murirà in 'n incidènt stradàl anc parchè la gint la s è stufàda 'd lē. P'r a n lasàr-la sénsa lavōr, i gh śibìs-an un mistēr da dū sòld, qvél ad dar la vóś a la vaca Clarabella in un prugràma par putèṅ. La June la s ufénd e la n in dascór gnanc.

La Mercy la s in prufìta p'r andàr anc a lèt cun la sò murōśa e l’Alice la gh astà. Quànd la June la i cata insém, la dmanda a la "Childie" 'd n andàr minga via e 'd armàgnar sèg ma la Mercy la salta sù dand-ag dla vècia budlòna imbariagòsa e dgénd a la śóvna ad far sù al valìś p'r andàr a vìvar sèg.

Armàśa da par lē, Sister George la taca a śbragàr incòsa in di studi dla BBC, in du a gh'è anc la sò casa da mòrt, par pò tacàr a pruvàr la part dla vaca, sigànd daspràda cun tuta la sò vóś «MUHHH».

Culegamènt estéran