L'angelo del male

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Prophecy II
L'angelo del male
Angelo del male.png
Christopher Walken in na figùra dal film
'L àngil dal mâł
1998
Regia: Greg Spence
Scritùr: Gregory Widen
Matt Greenberg • Greg Spence
Atùr: Christopher WalkenElizabeth Dennehy
Russell WongEric RobertsBrittany Murphy
Jennifer BealsGlenn DanzigSteve Hytner
Müsica: David C. Williams
Lengua: InglésLatìnSpagnōl
Dürä dal film: 87 minüt
Nasiòṅ: Stat Unî


«
Al mâł 'l à dichiarâ guèra... incóra!»
(Tagline dal film)


L'angelo del male (’L àngil dal mâł) 'l è 'n film ad scarésa dal 1998 ad Greg Spence séguit dla pelìcula dal 1995 L'ultima profezia.

'L à fat sù da piò ad sédas migliòṅ ad dòlar.

Sunt

Luśìfar (Guri Weinberg) al casa via 'l àngil négar Gabriel (Christopher Walken) da 'l Infèran, dgénd ch'la “guèra di cēi” la n è minga 'n quèl suo e che cal pòst lè al n è minga abàsta par tut dū.

Turnâ in asiòṅ insém a i suo, adès par Gabriel 'l è impurtànt far in manéra ch'un Nephilim, na criatùra ìbrida ch'la prév nàsar da 'l amōr carnàł 'd 'n èsar celèst, Danyael (Russell Wong), cun n'infarméra ciamàda Valerie Rosales (Jennifer Beals), al n nasa briśa parchè a s pōl dar ch'al gh'àppia di putēr dimóndi grand in grâd ad dar-'g un taj a la “guèra di cēi” fra bèṅ e mâł. A s trata dna prufesìa dita da 'l mònag Thomas Daggett (Bruce Abbott). Adès che la dóna la spèta 'n putèṅ a gh'è da mōvar-'s in présia.

Gabriel al próa a far-as dir da Daggett al pòst in du 'l gh'à da nàsar 'l Nephilim ma, p'r al fat che chi lò al n vèra bóca, 'l al masa. Danyael al fà 'l stés quèl c'n i jutànt d'l àngil négar. Armàś sénsa óm, Gabriel al fà turnàr in vita na ragàsa ch'la s éra péna cupàda, la Izzy (Brittany Murphy). Adès l'è lē ch'la gh'à da catàr la Valerie.

Culegamènt estéran