L'amante (film 1992)
|
C'l artìcul chè 'l è scrit in
Miranduléś |
 L'amant
| ||
| L'amante | ||
.png) La Jane March in na figùra dal film | ||
| 'L amànt 1992 | ||
|---|---|---|
| Regìa: Jean-Jacques Annaud | ||
| Scritōr: Jean-Jacques Annaud Marguerite Duras • Gérard Brach | ||
| Atōr: Jane March • Tony Ka Fai Leung Frédérique Meininger • Arnaud Giovaninetti Melvil Poupaud • Lisa Faulkner • Tania Torrens | ||
| Müsica: Gabriel Yared | ||
| Léngua: Ingléś • Vietnamît | ||
| Dürä dal film: 115 minüt | ||
| Nasiōṅ: Régn Unî • Frància • Vietnam | ||
L'amante (’L amànt) 'l è 'n drama biugràfic dal 1992 ad Jean-Jacques Annaud trat da 'l rumànś umònim dla Marguerite Duras.
La pelìcula, candidàda a i Prèmi Òscar par la futugrafìa 'd Robert Fraisse, l'è custàda trénta migliòṅ ad dòlar, bèsi ch'l'è stada pò bòna 'd pasàr cuntànd sōl i marcâ francéś e americàṅ.
Sunt
In dal 1929, su 'n traghét su 'l fiùm Mekong in Inducìna, i s incróśan na ragasōla francéśa pòvra 'd quìnd'ś an ch'la diś 'd avēr-'g-an dū in più (Jane March) e 'n cinéś (Tony Leung Ka Fai) cun di bèsi ch'al gh'à 'l dópi di sò an. 'L óm al s fà avànti sèg e 'l gh śibìs un pasàǵ, pò al dè dòp al l'aspèta fóra da la scōla in du la stùddia a Saigon.
I dū i finìs'n in na cambra tòlta in afìt e i fànan sès insém dvintànd amànt. Ma la ragàsa, ch'la gh'à na màdar mistra armàśa védva (Frédérique Meininger), un fradèl viulènt (Arnaud Giovaninetti) e 'n àtar più pìcul (Melvil Poupaud), la gh'à da turnàr a Parì. Pinsàr a 'n futûr insém 'l è difìcil anc parchè par lò a gh'è bèla prònt un matrimòni cumbinâ cun na cinéśa ereditéra.