L'altalena di velluto rosso
|
C'l artìcul chè 'l è scrit in
Miranduléś |
 The Girl in the Red Velvet Swing
| ||
| L'altalena di velluto rosso | ||
 La Joan Collins e Ray Milland in na figùra dal film | ||
| La plinga 'd vlû róś 1955 | ||
|---|---|---|
| Regìa: Richard Fleischer | ||
| Scritōr: Walter Reisch • Charles Brackett | ||
| Atōr: Ray Milland • Joan Collins • Farley Granger Luther Adler • Cornelia Otis Skinner • Glenda Farrell | ||
| Müsica: Leigh Harline | ||
| Léngua: Ingléś | ||
| Dürä dal film: 109 minüt | ||
| Nasiōṅ: Stat Unî | ||
L'altalena di velluto rosso (La plinga 'd vlû róś) 'l è 'n drama biugràfic dal 1955 ad Richard Fleischer ch'al cònta la vita dl'Evelyn Nesbit, mudèla, balarìna e atōra insaplàda in un fat 'd umisìdi fra dū sò amànt a 'l inìsi dal XX sécul.
I prudutōr dla pelìcula, ch'l'è custàda un migliòṅ e sèt ad dòlar faghénd-an sù òṅ e tri in di Stat Unî, i vlìvan tōr la Marilyn Monroe cuma prutagunìsta ma chi lē l'à pò dit ad nò a qvéi dla Twentieth Century-Fox.
Sunt
A 'l inìsi dal XX sécul l’Evelyn Nesbit (Joan Collins) l'è na mudèla śōvna ch'la bala a teàtar. Sò màdar (Glenda Farrell) la la tîṅ sèmpar 'd òć ma in tut al manéri la ragàsa la dvènta listés l'amànta 'd un famóś architét, Stanford White (Ray Milland), ch'al s imprufìta dal fat che sò mujér Elizabeth (Frances Fuller) l'è in cal mumènt lè a 'l èstar. La ragàsa però l'è anc 'l ugèt dal deśidèri 'd un śōvan śburòṅ visiâ e visióś ad Pittsburgh pîṅ ad bèsi, Harry Kendall Thaw (Farley Granger).
Stanford al cunvìns la ragàsa a dar-'g un taj c'n al mónd dal spetàcul p'r andàr a studiàr al bòni manéri in un culéǵ par qvéi dla sucietà élta ma la stòria 'd amōr far i dū la n pōl briśa cuntinuàr parchè 'l óm 'l è bèl' impgnâ. L’Evelyn la spóśa acsè Thaw che però 'l è gelóś mat e 'l gh'è sèmp'r adòs. Na sira, durànt un spetàcul dla dóna, Thaw al véd White a 'n tàvul e al gh aspàra masàrnd-al.