Krakatoa, est di Giava

Da Wikipedia.

C'l artìcul chè 'l è scrit in Miranduléś Emiliàn

Krakatoa, East of Java
Krakatoa, est di Giava

La Diane Baker e Schell in na figùra dal film
Krakatoa, èst ad Giàva
1969
Regìa: Bernard L. Kowalski
Scritōr: Cliff Gould • Bernard Gordon
Atōr: Maximilian SchellDiane BakerSal Mineo
Brian KeithBarbara WerleRossano Brazzi
John LeytonJ.D. CannonJacqueline Chan
Joseph HannVictoria YoungMarc Lawrence
Niall MacGinnisRobert HallGeoffrey Holder
Müsica: Frank De Vol
Léngua: Ingléś
Dürä dal film: 131 minüt
Nasiōṅ: Stat Unî


«
L'incredìbla giurnàda ch'l'à squasâ la tèra in fiṅ a 'l sò sèntar!»
(Tagline dal film)


Krakatoa, est di Giava (Krakatoa, èst ad Giàva) 'l è 'n film catastròfic dal 1969 ad Bernard L. Kowalski ch'al cònta dla spavintóśa erusiòṅ da duśènt megatòṅ dal vulcàṅ Krakatoa ch'a gh'è stada al 27 'd Agóst dal 1883 ch'l'à fat trénta-siemìla mòrt a 'l incìrca. P'r èsar precìś a gh'è da dir che Krakatoa al s catàva a òvest dl'ìśula 'd Giàva, minga a èst.

La pelìcula l'è stada candidàda a i Prèmi Òscar par gl'efèt speciài.

Sunt

In dal 1883, mént'r al vulcàṅ su l'ìśula 'd Krakatoa al taca a dar di ségn ad vita, la naṿ ulandéśa Batavia Queen, cmandàda p'r al capitàṅ Chris Hanson (Maximilian Schell), la tōś sù soquànt galeòt da purtàr, su órdan dal guèran, in n'ìśula dgl'Indi urientàli. A bōrd i gh'èṅ anc Douglas Rigby (John Leyton), 'n inśgnēr ch'l à prugetâ na campàna p'r andàr śò a pascàr dla ròba in di fundài marèṅ, Giovanni Borghese (Rossano Brazzi) e sò fiōl Leoncavallo (Sal Mineo), ch'i gh'aṅ un balòṅ aerustàtig, al sub Harry Connerly (Brian Keith) e la sò amànta Charley Adams (Barbara Werle), supràṅ lìric, quàtar sub giapunéśi pascadōri 'd pèrli, guidàdi da la Toshi (Jacqui Chan), e la Laura Travis (Diane Baker), dóna spuśàda amànta 'd Hanson. Chi lò 'l à urganiśâ la spedisiòṅ par catàr al relìt dna naṿ andàda a fónd, ch'a s diś ch'la gh'is un càr'g ad pèrli, e p'r avēr nutìsi dal fiōl dla Laura, Peter, ch'al gh'éra insìma.

Durànt al viàś, dòp ch'i parśunēr cmandâ da 'n vèć amìg dal capitàṅ, Lester Danzig (J. D. Cannon), i s èṅ arvultâ cónt'r i mémbar d'l equipàǵ, al vulcàṅ Krakatoa al s déśda tut 'd un trat dòp duśènt an stramnànd la mòrt.

Culegamènt estéran