Knoxville (Tennessee)

Da Wikipedia.
C'l artìcul chè 'l è scrit in Miranduléś Emiliàn
Al Patrick Sullivan's Saloon


Knoxville (a s lèś /ˈnɒksvɪl/ in ingléś) l'è na sità di Stat Unî ad sènt-utantamìla abitànt a 'l incìrca ch'la s cata in dal stat dal Tennessee, in dla cuntèa ad Knox. Tiràda sù in dal 1786, Knoxville, ch'la ciàpa 'l sò nóm da 'l prim segretàri a la diféśa dal guèr'n americàṅ Henry Knox, l'è stada la prima capitàl dal stat mént'r adès 'l è 'l sò tèrs sèntar più impurtànt dòp Memphis e Nashville.

Durànt la Guèra 'd secesiòṅ americàna la sità la s è divìśa fra qvéi ch'i vlìv'n armàgn'r in dl'ugnòṅ e qvéi ch'i tgnìvan p'r i stat Dixie. Qvist chè i ér'n al dópi ad chi àt'r a 'l cuntràri dla cuntèa 'd Knox ch'l'éra piutòst da la banda di Yankee. In séguit la s è śvilupàda dimóndi in di camp dla prudusiòṅ e dal cumèrs, specialmènt da quànd i aṅ fat na feruvìa ch'la pasàva da 'd lè. In di an Sinquànta però la sò indùstria tèsila l'à patî un muć.

Statṿa dl'Európa a l'università dal Tennessee

Òṅ di sò scutmàj 'l è la „sita dal màrmul“ parchè in dal XX sécul a s in fava sù dimóndi. La sò sìndica, da 'l 2011, l'è la demucràtica Madeline Rogero.

Persunàǵ nâ a Knoxville

Culegamènt estéran