Killer Party
|
C'l artìcul chè 'l è scrit in
Miranduléś |
 Killer Party
| ||
| Killer Party | ||
 La Johnson e Martin Hewitt in na figùra dal film | ||
| Fèsta ad masamènt 1986 | ||
|---|---|---|
| Regìa: William Fruet | ||
| Scritōr: Barney Cohen | ||
| Atōr: Sherry Willis-Burch • Joanna Johnson Martin Hewitt • Ralph Seymour • Paul Bartel Alicia Fleer • Elaine Wilkes • Deborah Hancock | ||
| Müsica: John Beal | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Killer Party (Fèsta ad masamènt) l'è na cumèdia americàna ad scarésa dal 1986 dirèta par William Fruet. Al regìsta 'l à tacâ a giràr-al in dal 1978 ma pò, quànd al 'l iva dagnóra finî, 'l è stâ custrét a farmàr-as parchè i bèsi i éran stâ druâ tut. A 'l inìsi la pelìcula la gh'iva da ciamàr-as „April Fool“ (Pés 'd Avrìl) ma pò 'l à cambiâ nóm parchè, in cal méntar, a 'n éra vgnû fóra 'n àtar cun cal tìtul lè, Pesce d'Aprile ad Fred Walton.
Fra i prutagunìsta a gh'è anc na śōvna Joanna Johnson dvintàda pò famóśa par la part dla Caroline Spencer Forrester e dla Karen Spencer in dla telenuvéla Beautiful.
Sunt
Tri amìghi dl'università, la Vivia (Sherry Willis-Burch), la Jennifer (Joanna Johnson) e la Phoebe (Elaine Wilkes) i decìdan ad śuntàr-as a 'n grup studentésc ad fémni ch'al gh'à da preparàr la fèsta p'r al prim 'd Avrìl. Al pòst sarnî 'l è na cà vècia bandunàda da quànd un śōv'n ad nóm Allan 'l è stâ cupâ là vint-a-dū an prima. La Jennifer la n sarév minga tant dal parēr ma la Phoebe e 'n ragàs ch'a gh piàś dimóndi, Blake (Martin Hewitt), i gh faṅ cambiàr idéa.
Quànd i èṅ là, masć e fémni i tàc'n a dar-ag dèntar, soquànt i faṅ dal purcarìi, di àt'r i bàlan cun di vistî ad carnevàl adòs. Ma la Jennifer la n gh'à minga sōl al diàv'l adòs quànd a s trata 'd balàr o 'd andàr a lèt cun Blake, ma anc par dabòṅ, difàti la ciàpa sù 'n furcàr e la próa a masàr la Phoebe e la Vivia.