Killer Crocodile
|
C'l artìcul chè 'l è scrit in
Miranduléś |
 Killer Crocodile
| ||
 Harper e Crenna in na figùra dal film | ||
| Cucudrìl sasèṅ 1989 | ||
|---|---|---|
| Regìa: Fabrizio De Angelis | ||
| Scritōr: Fabrizio De Angelis • Dardano Sacchetti | ||
| Atōr: Richard Anthony Crenna • Van Johnson John Harper • Sherrie Rose • Ennio Girolami Pietro Genuardi • Ann Douglas • Van Johnson Bill Wohrman • Gray Jordan • Amilcar Martins | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 84 minüt | ||
| Nasiōṅ: Itàglia | ||
Killer Crocodile (Cucudrìl sasèṅ) 'l è 'n film ad scarésa dal 1989 ad Fabrizio De Angelis ch'al 'l à girâ druànd al nóm ad Larry Ludman.
A 'l èstar 'l è cgnusû anc c'n al tìtul ad Murder Alligator. Al gh'à abû un séguit in dal 1990, Killer Crocodile 2 ad Giannetto De Rossi.
Sunt
Siē śōvan eculugìsta, Kevin (Richard Anthony Crenna), Mark (Pietro Genuardi), Bob (John Harper), la Pamela (Sherrie Rose), la Jennifer (Ann Douglas) e la Conchita, i s métan a far di anàliśi par védar se gl'àqui 'd un fiùm di Caràibi i èṅ pulìdi parchè i pénsan ch'a gh sia quèl ch'a traśa. Difàti 'l inquinamènt 'l è dimóndi élt e i càt'n anc di bidòṅ radiuatìṿ. A gh'è tut un gir ad bèsi muśnènt e di afâr cóntar la léǵ 'd un tisi ciamâ Jim Foley (William Wohrman) ch'l è 'd acòrd anc c'n al giùdas dal pòst (Van Johnson).
Na nòt la Conchita la và a pascàr la sò caggna Candy darènt a 'l rivi dal fiùm e tut 'd un trat a salta fóra 'n cucudrìl gigànt, trasfurmâ par via dal radiasiòṅ, ch'al la magna. A dar-ag la casa a gh s mét Joe (Ennio Girolami), 'n óm dal pòst ch'l al fà par mistēr da trént'an e ch'al tîṅ na bisa in cà par śluntanàr i sórag.