Kalifornia

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Kalifornia
Kalifornia.png
Brad Pitt e la Juliette Lewis in na figùra dal film
id.
1993
Regia: Dominic Sena
Scritùr: Tim Metcalfe • Stephen Levy
Atùr: Brad PittJuliette LewisDavid Duchovny
Michelle ForbesJudson VaughnDavid Milford
Patricia SillKathy LarsonDavid RoseBrett Rice
Müsica: Carter Burwell
Lengua: Ingléś
Dürä dal film: 117 minüt
Nasiòṅ: Stat Unî


«
I pinsàv'n ad partìr par na vita nóva, ma al sōgn lōr 'l è dvintâ 'n arbgàt.»
(Tagline dal film)


Kalifornia (id.) 'l è 'n film thriller dal 1993 ad Dominic Sena, girâ dagnóra tut in dal piàni séchi dal Tennessee, d'l Arkànsas, dal Tèxas e dal Nevàda. I quàtar prutagunìsta David Duchovny, la Michelle Forbes, Brad Pitt e la Juliette Lewis in dal film i faṅ la part ad dū còpi ma in alóra Pitt e la Lewis i 'l ér'n anc in dla vita.

Custâ òt migliòṅ e mèś ad dòlar, al film al 'n à purtâ a cà pôc, sōl dū e quàtar.

Sunt

Brian Kessler (David Duchovny), dutōr in di studi dal crìmin, al vōl scrìv'r un lìbar ch'al faga sù soquànt di masamènt più catìṿ di Stat Unî. Insém a la sò muróśa Carrie Laughlin (Michelle Forbes), ad mistēr futógrafa, al partìs acsè p'r un viàś lung e custóś p'r andàr a tōr śò di scrit e di spunt p'r al sò lavōr.

Par divìd'r-as i cóst, i dū i métan sù n'insersiòṅ par catàr di àtar da purtàr-as sèg, bòṅ anc par spartìr-'s al tèmp ad guìda insìma a la lōr Lincoln Continental. Un dè i gh s pàr'n incónt'r al fust Early Grayce (Brad Pitt) e la sò “gatìna” Adele Corners (Juliette Lewis) par śuntàr-'s a 'l viàś. Chi lōr dū i èṅ śbucâ e gréś cuma la śmalta ma i vènan tòlt sù listés. Sōl in un secónd tèmp a s vèṅ a savér che Early 'l è 'n óm scapâ via da parśòṅ e ch'l è dimóndi periculóś.

Culegamènt estéran