Justine - Il centro della passione

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Justine: In the Heat of Passion
Justine - Il centro della passione
Justine - Il centro della passione.png
La Boone e Timothy Di Pri in na figùra dal film
Justine - Al sèntar dla pasiòṅ
1996
Regia: David Cove
Scritùr: Edward Laraby
Atùr: Daneen BooneTimothy Di PriJane Stowe
Jennifer BehrPaul Michael RobinsonAshlie Rhey
Delphine PacificMichael AdrewKimberly Rowe
Müsica: Noble Henry
Lengua: Ingléś
Dürä dal film: 89 minüt
Nasiòṅ: Stat UnîFrànciaUlàndaIrlànda


Justine - Il centro della passione (Justine - Al sèntar dla pasiòṅ) 'l è 'n film eròtic dal 1996 dal gènar rusc patinâ ad David Cove ch'al fà part dna sèrie ad sèt film girâ par la televiśiòṅ.

Al braṅ ch'a gh'è a 'l inìsi, Justine, 'l è cantâ par Michael Sutton ch'al 'l à anc scrit insém a la Wendy Young.

Sunt

La Justine Wilkenson (Daneen Boone) l'è na studènta ch'la stùddia a l'università Topacre Academy par śōvni cun di nùmar. Lē l'à pardû la tèsta p'r al sò prufesōr ad stòria e archeulugìa, Paul Robson (Timothy Di Pri), tant ch'la fà da spés di insùni in dua la fà 'l amōr sèg e in dua la và in gir p'r al mónd tgnénd-'g adrē e faghénd acsè di aventùri cuma qvéli di Indiana Jones. La divìd la cambra cun la sò amìga Ursula (Kimberly Rowe) ma la gh'à da far spés i cònt cun la Madame Souvray (Jennifer Behr) ch'la tîṅ 'd òć al studènti, specialmènt qvéli più purcùsi.

In òṅ di sò insùni la Justine la partìs par 'l Egìt insém a Paul e a la Souvray p'r andàr a catàr al prufesōr Sala (Mark Falcetti) e sò fiōl Jamal (Jhonny Boggs) ch'i aṅ catâ la tómba dal Dio Ra. Rivâ là i n càtan mia 'l prufesōr parchè 'l è stâ fat parśunēr da la banda ad Klauss Heinmann (Paul Michael Robinson), fiōl 'd un generàł naśìsta. Chi lò, insém a la sò cumpàra, la Selinda (Odette Miro), al vōl śgranfgnàr via 'l teśôr dal dio egisiàṅ par pò véndar-'l in gir. Ma Hariz (Robert Nassry), 'n óm dal pòst ch'al créd in Ra e in dla sò religiòṅ, al vōl far un sacrifìsi a 'l sò dio e al sarnìs la Selinda ma prima al vōl gusàr-'s-la. Quànd 'l è prònt par scurtlàr-la, la Justine e Jamal, vistî da Ra e sgnōra, i gh dìśan ch'l è abàsta e ch'al pōl anc andàr via.

Finî 'l insùni, dòp na lesiòṅ su i Maya, la Justine la fà a mènt che sàbat 'l è 'l cumpleàn dal prufesōr e la gh vōl far un rigàl. La và acsè in un negòsi 'd antiquariâ cinéś dla Ming San (Delphine Pacific) ch'l'è drē a far di scònt, ma l'è na trapla. La dóna la la liga par cònt ad Klauss ch'al vōl vindicàr-'s ad Paul. Ma 'l è pròpria 'l prufesōr ch'a riva lè giùst in tèmp prima che lò al gh méta 'l maṅ adòs.

In 'n àt'r insùni la Justine, insém a Paul, l'è a 'l Pôl Nòrd par pascàr al “Dènt ad Dio” insém a 'l prufesōr John Fendon (Arthur David) e a la sò śōvna mujér, l’Ellen (Kristen Knittle). I gh dànan na maṅ anc 'l eschiméś Ijak (Gary Stansgar) e 'n siamàṅ ad nóm Anuk (Seck Gong). Quànd al dènt a salta fóra, la surpréśa: Ijak e l’Ellen i èṅ amànt e i vōlan purtàr via sèg al śavàj, ch'al vâl na mùcia 'd bèsi, lasànd murìr ślâ chi àtar. Ma Anuk al riva in tèmp par farmàr-al.

Culegamènt estéran