Joël Bellassen

Da Wikipedia.

C'l artìcol chè 'l è scrit in Carpśàn Emiliàn

Joël Bellassen (scurtê in Bellassen, a 'l sécol Bel Lassen, a s léś /ʒo.ɛl.be.la.sɛn/ in francéś, in cinéś sèimpi 白乐桑, in cinéś tradisionèl 白樂桑, pinyin Báilèsāng), nê a Sidi-bel-Abbès (Algerìa) al 27 ed maǵ dal 1950, 'l è 'n profesōr universitàri francéś ed lingva cinéśa, lingvìsta, diretōr 'd arsérca in insgnamènt dal cinéś a 'l INALCO.

I prim 400 caràter da imparèr col métod ed Joël Bellassen, mis in fila per òrdin alfabètic[1]

便


饿

广









西




Biografìa

Dòp 'd avér tolt la làvrea in Filośofìa e in Cinéś a l'Universitê Paris VIII - Vincennes, Bellassen al partìs per la Cina da 'l 1973 infìn a 'l 1975 per cuntinvèr i só stùdi ed cinéś e filośofìa a 'l Istitût ed lingvi ed Pechìn e a l'Universitê ed Pechìn. Quand al torna indrē in Fransa, Bellassen al s mèt 'd inpègn a strulghèr e a drisèr la manéra 'd insgnèr al cinéś in dal só Paéś.
Fin dala fin di an Utànta, Bellassen al cata na manéra nóva 'd insgnèr la lingva cinéśa anc ai ragasōl dagli elementèr, tulènd i culōr, ch'i gh'ìsen da marchèr i quàter tòun diferèint edla parlèda cinéśa e di ètr acorgimèint per fèr memoriśèr più ala śvélta dimòndi sinogràma.
Al só lìber dal 1989 Méthode d'initiation à la langue et à l'écriture chinoises, scrit insèm a Zhang Pengpeng, al vin tradòt anca in ingléś e 'l vend soquànt sintunèr ed mìla copi,[2] indū a s cata dòp, in dal 1991, anc al sèguit in dal lìber Perfectionnement à la langue et à l'écriture chinoises, sèinper scrìt dai stès du avtōr.
Bellassen 'l insègna al cinéś a l’Ecole alsacienne ed Parì pò a l'Universitê Paris VII e in di ùltem tèinp a 'l INALCO.
In dal 2003 al Minìster edl'Educasiòun cinéś al gh'śibìs al prémi edla lingva e dla cultùra cinéś.
'L è ùn di vice-presidèint edl'Asociasiòun mondièla edl insgnamèint dal cinéś (Shìjié hànyŭ jiàoxué xuéhuì 世界汉语教学学会)e presidèint edl'Asociasiòun evropèa edl insgnamèint dal cinéś (EACT European Association of Chinese Teaching) tachèda in dal 2015.

I prim 900 caràter da imparèr col métod Bellassen, mis in fila per òrdin alfabètic[3]


便
穿

饿
访

广
怀





绿




使



西 线






Al métod 'd insgnamèint Bellassen

Bellassen, a diferèinsa di métod 'd insgnamèint, anc cinéś stès, ch'i éren gnû prìma ed lò, al dà importànsa minga tant ala memoriśasiòun del paròli cinéśi, despès cunpòsti da du, quand anca tri, sinogràma, mo invéci lò al dà la gròsa inportànsa ai sinogràma da per lōr, e anc ai singol conponèint gràfic dèintr ind un sinogràma da per lò. Dòp ch'a se srà inparê a cgnùser i sinogràma da per lōr, alóra sè, ch'a se prà capìri in del só armisćiànsi e in còpia, cun più lògica e categoriśasiòun in dal capìr. Prìma i s inpararàn i 400 sinogràma più druê, che da per lōr i fan bèle capìr al 66,7% di scrit corèint ch'a s cata in di giornē. Ind un secònd mumèint i se pran śuntèr chièter 500 caràter ch'i gh'calen a na comprensiòun perfèta ed tut i scrit corèint.

Onorificèinsi

In dal 13 ed fervèr dal 2015, Bellassen al vin decorê "Officier de l'Ordre des Arts et des Lettres"[4]

Ōvri

  • Joel Bellassen e Arnaud Arslangul, Le Chinois pour tous, Bescherelle-Hatier
  • Joel Bellassen, Méthode d'initiation à la langue et à l'écriture chinoises (nóva edisiòun con DVD), La Compagnie, 2008
  • Joel Bellassen e Chia-ling Liu, Gunxueqiu xue hanyu - Snowballing Chinese - Le Chinois par boules de neige, Sinolingua, 2008
  • Zaijian le, Zhongguo. Wo de 70 yinji, Dongfang chubanshe, 2007
  • Annales de chinois, du bac aux concours, Éditions du Temps, 2006
  • Joel Bellassen, W. Abraham e W. Yu, Le Chinois pour les nuls, 1, 2006
  • Joel Bellassen, Jin Siyan e Philippe Nicolas, Empreintes chinoises : De Chine et de France, regards croisés, 2004
  • Shuo zi jie ci, Le chinois recyclé, Beijing Daxue chubanshe, 2002
  • Le Chinois aux examens, You Feng, 1998
  • Joel Bellassen e Pengpeng Zhang, A Key to Chinese Speech and Writing, t. I, Sinolingua, 1997
  • Joel Bellassen e Pengpeng Zhang, A Key to Chinese Speech and Writing, t. II, Sinolingua, 1997
  • Chinois : mode d'emploi, grammaire pratique et exercices, You Feng, 1996
  • Les idéogrammes chinois ou l'empire du sens, You Feng, 1995
  • Joel Bellassen e Pengpeng Zhang, Perfectionnement à la langue et à l'écriture chinoises, La Compagnie, 1991
  • Joel Bellassen e Pengpeng Zhang, Méthode d'initiation à la langue et à l'écriture chinoises, La Compagnie, 1989
  • Joel Bellassen, Alain Badiou e L. Mossot, Le noyau rationnel de la dialectique hégélienne, À propos d'un texte de Zhang Shiying, Maspéro, 1978
  • Filosofia y conservacion de los tomates, Anagrama, 1974
  • Philosophie et conservation des tomates, L'Impensé Radical, 1973

Vōś lighèdi

Noti e referèinsi

Colegamèint estèren