Jacksonville

Da Wikipedia.

C'l artìcul chè 'l è scrit in Miranduléś Emiliàn

Al sò munisìpi
Al scûd ad Jacksonville
La bandéra dla sità


Jacksonville l'è na sità di Stat Unî 'd utsènt-utantamìla abitànt a 'l incìrca ch'la s cata in dal stat dla Flòrida, in dla cuntèa 'd Duval, in dal cantòṅ a nòrd-èst dla penìśula darènt a la Geòrgia. 'L è 'l sèntar più grôs dal sud a part al Tèxas. Quànd l'è stada tiràda sù, in dal 1791, la s ciamàva Cowford ma pò in dal 1822, dòp sōl 'n an ch'i spagnōi i ìvan lasâ la Flòrida, l'à ciapâ 'l nóm 'd adès in unōr dal sètim presidènt americàṅ, Andrew Jackson.

La sò ecunumìa la pōl cuntàr su la finànsa, al telecumunicasiòṅ, i traspòrt, al turìśum, i mèdia, l'indùstria aero-spasiàla, l'infurmàtica, la risérca in camp mèdag e l'educasiòṅ.

Tgnénd adrē a 'l censimènt dal 2010, i sò abitànt i èṅ biànc p'r al 59,4%, ispànig p'r al 7,7%, négar p'r al 30,7% e aśiàtic p'r al 4,3%. In dal 1994 in sità a s è furmâ 'l grup Nu Metal di Limp Bizkit.

Al sò sìndig, da 'l 2015, 'l è 'l republicàṅ Lenny Curry.

Culegamènt estéran