Italiani! È severamente proibito servirsi della toilette durante le fermate
|
C'l artìcul chè 'l è scrit in
Miranduléś |
 Italiani! È severamente proibito servirsi della toilette durante le fermate | ||
| Itagliàṅ! A n s pōl pròpria briśa druàr i lìcit durànt al farmàdi 1969 | ||
|---|---|---|
| Regìa: Vittorio Sindoni | ||
| Scritōr: Aldo Bruno • Romano Migliorini Gianbattista Mussetto • Vittorio Sindoni | ||
| Atōr: Patrizia De Clara • Silvia Dionisio Stefano Torossi • Franco Acampora • María Rosa Sclauzero | ||
| Müsica: Stefano Torossi | ||
| Léngua: Itagliàn | ||
| Dürä dal film: 98 minüt | ||
Italiani! È severamente proibito servirsi della toilette durante le fermate (Itagliàṅ! A n s pōl pròpria briśa druàr i lìcit durànt al farmàdi) 'l è na cumèdia dal 1969 ad Vittorio Sindoni, gnuda fóra durànt i an dla cuntestasiòṅ dal Ssantòt.
Sunt
Al studènt universitàri cumunìsta Benito, ch'al tîṅ a drē a gl'insegnamènt ad Karl Marx, Mao Tse-tung e 'd Herbert Marcuse, al vōl bèṅ a la Patrizia, na ragasōla impgnàda in 'n istitùt ad belésa, ma al n gh'à minga intensiòṅ ad far 'l amōr sèg in fin tant che la rivulusiòṅ la n vinsarà briśa. Durànt na fèsta, la dóna la cgnós Garibaldi, scutmâj 'd un arvèrs cun la barba pina, ch'al gh śibìs na màchina par ciulàr-la. Lē la n céd minga ma la fà crédar a 'l sò muróś al cuntràri. A chi lò cal lavōr lè al n gh'è indivìś parchè al sò interès 'l è quél ad far crudàr al sistéma da 'd dèntar e al decìd acsè ad tacàr a sunàr par na cà discugràfica, cantànd di braṅ ad prutèsta ma anc dal cansunéti. Fat sù di bèsi, al decìd pò ad spuśar-as ma Patrizia, ch'la 'l batéśa cuma 'n traditōr dla càuśa, la tōś la sò vindéta tajànd-gh al cas.