Irréversible

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Irréversible
Irréversible
Irréversible.png
Dupontel, la Bellucci e Cassel in na figùra dal film
Ireversìbil
2002
Regia: Gaspar Noé
Scritùr: Gaspar Noé
Atùr: Monica BellucciVincent CasselJo Prestia
Albert DupontelStéphane DrouotPhilippe Nahon
Müsica: Thomas Bangalter
Lengua: FrancéśItagliànSpagnōlIngléś
Dürä dal film: 95 minüt
Nasiòṅ: Frància


«
Al tèmp al manda in ruìna incòśa.»
(Tagline dal film)


Irréversible (Ireversìbil) 'l è 'n film dramàtic francéś dal 2002 ad Gaspar Noé ch'al 'l à anc scrit e muntâ cun 'n órd'n arbaltâ, tacànd da la fiṅ par pò spustàr-'s a 'l inìsi.

La pelìcula, ch'l'è custàda quàtar migliòṅ e siē 'd euro faghénd-an sù praticamènt àtar tant, l'è stada preśentàda in cuncōrs a 'l 55śum Fèstival ad Cannes e a 'l Fèstival ad Stucólma in dua l'à vins al prèmi dal „Cavàl ad brónś“. La culòna sunóra l'è ad Thomas Bangalter, sunadōr francéś cgnusû p'r ès'r un mémbar di Daft Punk e di Stardust.

Sunt

Pierre (Albert Dupontel) e 'l sò amìg Marcus (Vincent Cassel) i sàltan fóra da 'n lucàl par fnòć ciamâ “Rectum”. A 'l prim i gh vìnan misi 'l manéti a i pōls mént'r al secónd 'l è ardùt in barèla dòp ch'l'è stada ciamàda n'ambulànsa. Mourad (Mourad Khima) e Layde (Hellal) i gh in dìś'n ad tut i culōr. Dènt'r a gh'è 'l cadàvar maslâ 'd 'n óm cun la ghigna sfundàda.

Soquànt minùt prima Pierre e Marcus i ér'n andâ lè dènt'r a pascàr 'n óm cgnusû cuma “La tègna” (Jo Prestia). Cardénd 'd avér-al catâ, Marcus 'l iva tacâ a dar-ag dal bòti ma pò al li iva ciapàdi lò. C'n un bras scavśâ e mis a pansa in śò, sénsa psēr-ag far gnint, al s l'éra vduda bruta cun c'l àtar ch'l éra prònt a inculàr-'s-al ma a 'l ùltim Pierre al 'l à salvâ tulénd 'n estintōr e spaplànd-ag la fàcia, sénsa savēr che lò al n éra briśa “La tègna”.

I dū óm i éran rivâ fiṅ lè dòp che na dóna viulentàda da “La tègna”, la Concha (Jara-Millo), la gh'à dit ch'i 'l arévan psû catàr là. Chi lē l'è sōl l'ultma vitma dal strupradōr ch'l à fat àtar tant cun la muróśa 'd Marcus, l’Alex (Monica Bellucci), ch'l'iva péna savû 'd aspitàr un putèṅ da lò.

Culegamènt estéran