Io vengo ogni giorno
 Premature
| ||
| Io vengo ogni giorno | ||
 La Young e John Karna in na figùra dal film | ||
| Mè a végn tut i dè 2014 | ||
|---|---|---|
| Regìa: Dan Beers | ||
| Scritōr: Dan Beers • Mathew Harawitz | ||
| Atōr: John Karna • Alan Tudyk • Katie Findlay Craig Roberts • Carlson Young • Adam Riegler | ||
| Müsica: Nick Urata | ||
| Léngua: Ingléś • Francéś | ||
| Dürä dal film: 93 minüt | ||
| Nasiōṅ: Stat Unî | ||
Io vengo ogni giorno (Mè a végn tut i dè) l'è na cumèdia americàna dal 2014 ad Dan Beers.
Sunt
L'è na giurnàda impurtànta p'r al studènt Rob Crabbe (John Karna) parchè al gh'à da 'ndàr a dascórar c'n al prufesōr Jack Roth (Alan Tudyk) p'r ès'r tòlt a l'università ad Georgetown, un quèl che sò pàdar Jim (Steve Coulter) a gh tîṅ dimóndi. Ma quànd sò màdar, l’Anne (Katie Kneeland), l'al vîṅ a daśdàr l'al cata c'n al mudàndi mój e la pénsa ch'al s al sia mnâ ma invéci 'l è stâ par via d'n insùni.
A scōla al véd al sò amìg Stanley (Craig Roberts) e la Gabrielle (Katie Findlay), ch'al cgnós da quànd i éran pìcui, ma anc i śugadōr più grand ad palavōl ch'i gh faṅ un brut schèrs butànd-'g adòs dla pisa in dal braghi cun na pistòla spara-pisa. 'L è sōl 'l inìsi dna giurnàda da daśmindgàr parchè cun Jack al ròbi i vaṅ mâł, al prufesōr al s mét a piànśar arcurdànd sò mujér mòrta, e cun la bunàsa dal culéǵ, l’Angela Yearwood (Carlson Young), incóra pèś parchè quànd al và a cà sua par dar-ag dal ripetisiòṅ, lē la vrév far sès ma lò, ch'l è vìrgin, al śgósla incóra prima 'd tacàr.
Cla stòria chè la và avànti tut i dè cumpàgna, a pâr ch'a gh sia na maledisiòṅ, fórsi 'l è 'l caś ad cambiàr al sò cumpurtamènt giùst par védar s'al finàł a càmbia a sò vòlta.