Invito a cena con delitto

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Murder by Death
Invito a cena con delitto
Invito a cena con delitto.png
Peter Falk, David Niven e la Maggie Smith in na figùra dal film
Invîd a séna cun delìt
1976
Regia: Robert Moore
Scritùr: Neil Simon
Atùr: Peter FalkAlec GuinnessPeter Sellers
Truman CapoteNancy WalkerDavid Niven
Müsica: Dave Grusin
Lengua: Ingléś
Dürä dal film: 94 minüt
Nasiòṅ: Stat Unî


«
In dal méntar ch'i detective più famóś a 'l mónd i próv'n a imparàr chi 'l 'l à fat... vuàt'r a prî anc murìr da 'l rìdar!»
(Tagline dal film)


Invito a cena con delitto (Invîd a séna cun delìt) l'è na cumèdia négra americàna dal 1976, parudìa di film śai, ad Robert Moore scrita par Neil Simon.

Fra gl'atōr dal film, ch'l è stâ preśentâ a 'l 32śum Fèstival ad Venèsia e ch'l à muciâ sù da piò ad trénta-dū migliòṅ ad dòlar, a gh'è anc al scritōr Truman Capote.

Sunt

Al migliardàri Lionel Twain (Truman Capote) 'l invìda a séna in dla sò vila sinc di più gran detective dal mónd dgénd-ag che cla sira lè, a meśanòt, a gh sarà 'n masamènt, cun la vitma ch'la sarà scurtlàda a la schina par dódas vòlti. Lionel al prumét ch'al darà 'n migliòṅ ad dòlar a chi indvinarà 'l sasèṅ. A sarvìr in tavla a gh'è 'n camarēr òrub, Jamesgnōra Bèṅsgnōr (Alec Guinness), e na cōga sórda e muta, la Yetta (Nancy Walker).

I rìv'n acsè 'l ispetōr Sydney Wang (Peter Sellers), Dick Charleston (David Niven) e la sò sgnōra, la Dora (Maggie Smith), Sam Diamante (Peter Falk) cun la sò segretària, la Tess Skeffington (Eileen Brennan), la Jessica Marbles (Elsa Lanchaster) cun la sò vècia infarméra, la Miss Withers (Estelle Winwood), e Milo Perrier (James Coco).

Da lè in avànti i tàc'n a sucédar di fat spavintóś ch'i mét'n in pinsēr i òspit cuma dal vlèṅ in dal bicér ad Wang e dū spadi tacàdi a 'l mur ch'i càscan śò.

Culegamènt estéran