Intervista col vampiro

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Interview with the Vampire:
The Vampire Chronicles
Intervista col vampiro
Intervista col vampiro.png
Tom Cruise e Brad Pitt in na figùra dal film
Intervìsta c'n al vampîr
1997
Regia: Neil Jordan
Scritùr: Anne Rice
Atùr: Tom CruiseBrad PittAntonio Banderas
Kirsten DunstChristian SlaterDomiziana Giordano
Stephen ReaThandie NewtonSarah Stockbridge
Müsica: Elliot Goldenthal
Lengua: IngléśFrancéś
Dürä dal film: 118 minüt
Nasiòṅ: Stat Unî


«
Bév da mè e at viv'rà par sèmpar.»
(Tagline dal film)


Intervista col vampiro (Intervìsta c'n al vampîr) 'l è 'n film ad scarésa dal 1997 ad Neil Jordan trat da 'l rumànś umònim dl'Anne Rice. 'L è stâ numinâ par dū Prèmi Òscar, par la culòna sunóra e per la senugrafìa. Par la part ad Daniel Malloy a s éra sarnî River Phoenix ma 'l atōr 'l è pò mòrt soquànt dè dòp ch'i ìvan tacâ a giràr.

Custàda ssanta migliòṅ ad dòlar, la pelìcula la 'n à pò muciâ sù da piò ad duśènt-vint-a-tri. In dal film i Guns N' Roses i càntan Sympathy for the Devil, cover di Rolling Stones.

Sunt

Louis de Pointe du Lac (Brad Pitt) al vèṅ intervistâ a San Francisco p'r al giurnalìsta Daniel Malloy (Christian Slater). Louis al taca a cuntàr la sò vita, dgénd ch'al pōl scampàr par sèmpar, esénd lò 'n vampîr, ma anc ch'a n è minga fàcil purtàr avànti la sò cunsidiòṅ.

In dal 1791 lò 'l éra pîṅ ad bèsi ch'al gh'iva di sit a New Orleans. Dòp la mòrt ad sò mujér e ad sò fiōl, a n gh in fargàva più gnint dla vita. 'L è a cal punt lè ch'al vampîr Lestat de Lioncourt (Tom Cruise), vlénd avér-ag 'n amìg, al decìd ad far-al dvintàr cuma lò ma mèntar lò 'l è sénsa cōr e 'l è bòṅ ad masàr sénsa scrùpui, Louis al fà fadìga a tgnir a drē a qvél ch'l è dvintâ. Piutòst che tōr la vita a i óm par bév'r-an 'l sangṿ, al sarnìs di sórag o da gl'atri bèsti parchè ad dèntar al s sènt incóra umàṅ.

Na nòt, mént'r al s cata p'r al stradi 'd un quartēr in du la gint la patìs la pèsta, al véd na putìna ciamàda Claudia (Kirsten Dunst) ch'la piànś davśèṅ a 'l cadàv'r ad sò màdar. Sénsa vlér-al dabòṅ dal tut, Louis al gh dà 'n murśgòt ciuciànd-ag via dagnóra tut al sò sangṿ tant ch'la baghéta la và in a risć ad murìr. Scampàda a la mòrt, anc lì lē la dvènta na vampìra e la vèṅ adutàda par Lestat e Louis. La Claudia la sumìlia dimóndi a Lestat parchè la tîṅ a drē a tut qvél ch'al gh diś e pò parchè la gh cata gust a cupàr al parsòni par scampàr lē.

Trént'an dòp la Claudia, vdénd al còrp dna dóna cavàda śò da 'd là da na fnèstra, la dmanda a i sò genitōr adutìṿ quànd è ch'la dvintarà granda anca lē ma i dū i gh rispóndan ch'i vampîr i n pōlan minga dvintàr vèć e che lē l'è destinàda a 'rmàgnar acsè par sèmpar. La putìna, ch'la vōl bèṅ a Louis, la s mét in dla suca ad masàr Lestat.

Culegamènt estéran