Inseminoid - Un tempo nel futuro
|
C'l artìcul chè 'l è scrit in
Miranduléś |
 Inseminoid
| ||
| Inseminoid - Un tempo nel futuro | ||
 L'Heather Wright in na figùra dal film | ||
| Samnadōr - Un tèmp in dal futûr 1981 | ||
|---|---|---|
| Regìa: Norman J. Warren | ||
| Scritōr: Nick Maley • Gloria Maley | ||
| Atōr: Judy Geeson • Robin Clarke • Robert Pugh Robin Clarke • Stephanie Beacham • John Segal Rosalind Lloyd • Heather Wright • Jennifer Ashley | ||
| Müsica: John Scott | ||
| Léngua: Ingléś | ||
| Dürä dal film: 93 minüt | ||
| Nasiōṅ: Régn Unî • Hong Kong | ||
Inseminoid - Un tempo nel futuro (Samnadōr - Un tèmp in dal futûr) 'l è 'n film ad scarésa fantàstic dal 1981 ad Norman J. Warren.
In di Stat Unî la pelìcula l'è cgnusùda cuma Horror Planet.
Sunt
Su 'n pianéda luntàṅ da la Tèra un grup ad dódas siensiâ dal prugèt “Xeno” 'l è drē a far di studi su 'l ruìni dn'antìga siviltà agliéna. Guardànd di ségn fat su i mur dna catacómba, Mitch (Trevor Thomas) al créd 'd inténdar che cla sucietà lè l'éra fata tgnénd adrē a 'l cuncèt dal dópi e a gh pâr ch'a cmandàr i fùsan dū śmèi, cuma dū i èṅ anc i sōi. La culaburadōra mèdaga, la Sharon (Heather Wright), la capìs che 'd intór'n a di cristài ad giaròṅ dal pòst a gh'è 'n camp energètic e la pénsa che na mènt chìmiga la pòsa cuntrulàr la vita su 'l pianéda.
Durànt na spedisiòṅ al futógrafar Dean White (Dominic Jephcott) al mōr méntar Ricky Williams (David Baxt) al pèrd la tèsta tacànd a dar adòs a i sò cumpàgn prima 'd èsar masâ par la Kate Frost (Stephanie Beacham). Mitch e la Sandy (Judy Geeson) i tórnan sóttèra par catàr sù dgl'atri prédi da analiśàr ma tut 'd un trat a salta fóra 'n aglièṅ ch'al viulénta la dóna par pò śburàr-ag dèntar druànd un tub trasparènt pîṅ ad lìquid. La Sandy l'armàgn gravda e, pardénd al cuntròl, la taca a cupàr i àtar mémbar dla spedisiòṅ, tacànd da la pòvra Barbra (Victoria Tennant) fata fóra cun na fòrbśa.
Karl (Barrie Houghton), la Sharon e la cmandànta Holly McKay (Jennifer Ashley) i próan a farmàr la dóna ch'in cal méntar la dà a la luś dū agièṅ móstar.