Infested - Lo sciame
|
C'l artìcul chè 'l è scrit in
Miranduléś |
 Infested
| ||
| Infested - Lo sciame | ||
 David Packer in na figùra dal film | ||
| Infestâ - Al sam 2002 | ||
|---|---|---|
| Regìa: Josh Olson | ||
| Scritōr: Josh Olson | ||
| Atōr: Zach Galligan • Robert Duncan McNeill Lisa Ann Hadley • Daniel Jenkins • Tuc Watkins Amy Jo Johnson • David Packer • Mark Margolis Nahanni Johnstone • Camilla Overbye Roos | ||
| Müsica: Rodney Whittenberg | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî | ||
Infested - Lo sciame (Infestâ - Al sam) 'l è 'n film ad scarésa americàṅ dal 2002 ad Josh Olson ch'al 'l à anc scrit. La pelìcula l'è stada giràda in dal stat ad New York, preciśamènt a Long Island e a Southold.
In dal film i prutagunìsta i bàlan scultànd la canta Da da da dal grup tedésc di Trio.
Sunt
Dòp al funeràł ad Steven (Daniel Jenkins), un grup 'd amìg ad New York al s dà apuntamènt in dla cà a 'l mâr ad Carl (Tuc Watkins) e 'd sò mujēr, la Robin (Camilla Overbye Roos). I rìvan lè 'l atōr Warren (Zach Galligan), al giurnalìsta Elliot (David Packer), l’Ellen (Lisa Ann Hadley), ch'l'à studiâ madśìna a l'università e l'è cumpagnàda lè da 'l sò óm ciamâ Bob (Jack Mulcahy), al biónd Eric (Robert Duncan McNeill) ch'l à purtâ d'l ecstasy sèg, la Mindy (Nahanni Johnstone) e la Jesse (Amy Jo Johnson).
Bob al s fiàca i maròṅ dagnóra subìt e al s in và dòp pôc tèmp méntar la Mindy la và a tōr al Sōl in spiàgia, cun Carl ch'al gh tîṅ adrē parchè, s'al n fus mia bèla spuśâ, dū cōlp al gh i darév vluntéra. Putròp par lōr un grup ad móschi mutànti, dimóndi pèś dla mósca sasìna, al tōś al cuntròl di sò còrp par mét'r-ag dènt'r i sò óṿ, anc la Robin l'armàgn vitma ad chi insèt lè. Al grup, par prutèś'r-as, al s sèra dèntar méntar chi àtar tri i èṅ fóra ma Warren 'l è mis mâł parchè al gh'à na còsa tuta marsa dòp che la Robin la 'l à śgranfgnâ a róta 'd còl.
A gh'è sōl un quèl ch'al pōl far fóra chi insèt lè maladî, la luś, méntar la mùśica l'è 'n arciàm par lōr.