Indovina chi viene a cena?
|
C'l artìcul chè 'l è scrit in
Miranduléś |
 Guess Who's Coming to Dinner
| ||
| Indovina chi viene a cena? | ||
 La Hepburn e Spencer Tracy in na figùra dal film | ||
| Próa a dir chi vîṅ par séna 1967 | ||
|---|---|---|
| Regìa: Stanley Kramer | ||
| Scritōr: William Rose | ||
| Atōr: Katharine Hepburn • Katharine Houghton Spencer Tracy • Sidney Poitier • Isabel Sanford Virginia Christine • Beah Richards • Cecil Kellaway | ||
| Müsica: Frank De Vol | ||
| Léngua: Ingléś | ||
| Dürä dal film: 108 minüt | ||
| Nasiōṅ: Stat Unî | ||
Indovina chi viene a cena? (Próa a dir chi vîṅ par séna) 'l è 'n film dramàtic americàṅ dal 1967 ad Stanley Kramer candidâ a déś Prèmi Òscar. 'L è stâ scrit par William Rose ch'l à purtâ a cà la statṿa acsè cuma l'atōra prutagunìsta, la Katharine Hepburn. Al sò cumpàgn in dla vita, Spencer Tracy, 'l è mòrt darsèt dè dòp la fiṅ dal film.
Al cònta la stòria 'd amōr fra na biànca e 'n négar, un quèl ch'in alóra 'l éra pruibî par la léǵ incóra in darsèt stat di Stat Unî, dagnóra tut dal sud.
In dal 1998 'l American Film Institute 'l à mis cla pelìcula chè a 'l 99śum pòst di sènt film americàṅ fat méj ad sèmpar. Custâ quàtar migliòṅ ad dòlar, al film al 'n à pò muciâ sù stanta.
Sunt
In di an Ssanta, durànt un viàś a gl'Hawaii, la Joanna Drayton (Katharine Houghton), fiōla dna famìja biànca 'd sinìstra ad San Francisco, la cgnós al mèdag négar John Prentice (Sidney Poitier) e sèg a scròca la silta tant ch'i dū i decìd'n ad spuśàr-as.
La ragàsa la decìd ad preśentàr-'l a i suo, Matt (Spencer Tracy) e la Christina (Katharine Hepburn). Chi lē, ch'la s rénd cònt ch'a s trata 'd 'n amōr sćèt dabòṅ, la dà la sò apruvasiòṅ ma sò marè invéci, ch'al sà tut i prubléma ch'i gh s pararàṅ davànti, 'l è cuntràri.