In sìm'a 'l Strunsèdi

Da Wikipedia.
Jump to navigation Jump to search


C'l artìcol chè 'l è scrit in Carpśàn Emiliàn

"On Bullshit" ("In sìm'a 'l Strunsèdi" in carpśàṅ) 'l è 'l è 'l tìtol 'd un stùdi dal 1986 dal filòśof americàṅ Harry G. Frankfurt, per catèr fora na definisiòun ed quìli che tùt i ciàmen "strunsèdi" in dal mèinter ch'a s descòr.
Prìma publichê in dal giurnèl "Raritan Quarterly Review", e in dal 2005 in n'edisiòun per só còunt, al librèt 'l armagnìva in dla cìma di bestsellers americàṅ per veintsèt esmàni e 'l avrèv servî a 'l avtōr per scrìvregh un sègvit in cl èter só stùdi "On Truth" gnû pò fóra in dal 2006.

Sunt

Mèinter ch'a s è drē a ciacarèr, 'l è 'n mumèint ch'a sèlta fora ch'a gh'sìa soquànt lavōr ch'a gh'è da ciamèri "strunsèdi".
'L avtōr al fà veder che 'l siuchèsi, ma pò incòr de più el strunsèdi, i nn'ìn minga dal buśìi, i gh'àn pòc da spartìr cun na veritê da cuacèr o da canbièr. Chi 'l mèt in camp el strunsèdi, 'l è quèl ch'la nn'è gnanc dìta ch'al cgnùsa cum i stan i lavōr, mo 'l è invéci dimòndi facil ch'al sia drē a sparèr a chèś. Lò al descòr per dèr ària ai dèint e fèr però cólp cun chi a gh'è a tir, tulènd fóra difàt, la só strunsèda ed cal dè lè.
D'indû a deśvìn la paròla strunsèda, dal rest, dai escremèint, 'l è pròpia perchè lè a n'gh'è gnint ed strulghê, ed lavurê cun finèsa, mo na sparèda fóra 'd un schèrt ch'al n'servìs gnanc. La fuga che tùt i gh'àn al dè 'd incō, al biśògn e anc la vója ed rispònder śvelt a na dmanda o a na provocasiòun, i mitrèven dimòndi agìnt in dla cundisiòun ed dìr dal strunsèdi.

«
Although I was only seven when my father was killed, I still remember him very well and some of the things he used to say. ... One of the first things he taught me was, "Never tell a lie when you can bullshit your way through."»
(EN)(On Bullshit, 1986, da 'l romàṅś Dirty story 'd Eric Ambler, 1967)
«
Anca se mè a gh'iva sèt an quand mé pèder al gniva masê, mè a 'm 'l arcòrd incòr dimòdi bèin e quelcdùn di lavór che ogni tant lò al giva. ... Ùn di prim lavór che lò al 'm iva dìt 'l era stê, "An dìr mài na buśìa quand te 't la pō cavèr cun dal strunsèdi."»

Vōś lighèdi

Colegamèint estèren