Improvvisamente l'estate scorsa (film)

Da Wikipedia.


C'l artìcul chè 'l è scrit in Miranduléś Emiliàn

Suddenly, Last Summer
Improvvisamente l'estate scorsa

L'Elizabeth Taylor in na figùra dal film
A 'l impruvìś l'istâ pasàda
1959
Regìa: Joseph L. Mankiewicz
Scritōr: Gore Vidal • Tennessee Williams
Atōr: Elizabeth TaylorKatharine Hepburn
Montgomery CliftMercedes McCambridge
Albert DekkerGary RaymondMavis Villiers
Müsica: Malcolm Arnold • Buxton Orr
Léngua: Ingléś
Dürä dal film: 114 minüt
Nasiōṅ: Stat UnîRégn Unî


«
A 'l impruvìś, la pasàda istâ, la Cathy l'à savû 'd èsar stada druàda p'r un brut quèl!»
(Tagline dal film)


Improvvisamente l'estate scorsa (A 'l impruvìś l'istâ pasàda) 'l è 'n film dramàtic in biànc e négar dal 1959 ad Joseph L. Mankiewicz trat da 'n lavōr teatràł ad Tennessee Williams.

L'Elizabeth Taylor par cla pelìcula chè l'à vins un Golden Globe e l'è stada candidàda a i Prèmi Òscar acsè cuma la Katharine Hepburn e Oliver Messel, William Kellner e Scott Slimon par la senugrafìa.

Sunt

A la fiṅ di an trénta a New Orleans la sgnōra Violet Venable (Katharine Hepburn) la śibìs un migliòṅ ad dòlar a 'l dutōr Hockstader (Albert Dekker) par far 'n intervènt ad lubutumiśasiòṅ a sò anvōda, la Catherine Holly (Elizabeth Taylor), ch'l'è armàśa traumatiśàda dòp avēr vdû sò cuśèṅ Sebastian (Julián Ugarte), fiōl dla Violet, murìr in spiàgia durànt na vacànsa in Spaggna. Adès la ragàsa la s cata in 'n istitùt ad sōri e l'è in cura da 'l dutōr Cukrowicz (Montgomery Clift).

La Catherine la n s arcòrda piò gnint d'l epiśòdi ma Cukrowicz al próa a far-ag tōr dal penthotal par far-ag turnàr la memòria. A la ragàsa a gh vîṅ in mènt che sò cuśèṅ al gh fava métar di custùm stric biànc che quànd la vgniva fóra da 'l mâr a sa vdiva incòsa e pò anc ch'in spiàgia i gh'ér'n un muć ad śuvnòt.

Culegamènt estéran