Il servo
|
C'l artìcul chè 'l è scrit in
Miranduléś |
 The Servant | ||
| Il servo | ||
 James Fox e Dirk Bogarde in na figùra dal film | ||
| Al sarvitōr 1963 | ||
|---|---|---|
| Regìa: Joseph Losey | ||
| Scritōr: Robin Maugham • Harold Pinter | ||
| Atōr: Dirk Bogarde • Sarah Miles • James Fox Wendy Craig • Catherine Lacey • Ann Firbank Richard Vernon • Doris Nolan • Patrick Magee | ||
| Müsica: John Dankworth | ||
| Léngua: Ingléś | ||
| Dürä dal film: 116 minüt | ||
| Nasiōṅ: Régn Unî | ||
Il servo (Al sarvitōr) 'l è 'n film dramàtic britànic dal 1963, girâ in biànc e négar, ad Joseph Losey, vinsidōr 'd un Nàstar 'd argìnt in dal 1966 par cla pelìcula chè. 'L è trat da 'n rumànś ad Robin Maugham.
'L è stâ preśentâ in cuncōrs a 'l 24śum Fèstival ad Venèsia. In dal 1999 al British Film Institute al 'l à mis a 'l 22śum pòst in dla lista di sènt film britànic mijór dal XX sècul.
Sunt
[mudéfica la surzéia]Tony Mounset (James Fox), un śōvan lundinéś aristucràtic pîṅ ad bèsi, al tōś cuma sarvitōr in cà Hugo Barrett (Dirk Bogarde). Chi lò al fà bèṅ i fat e a pâr anc ch'a gh daga dèntar ma a la muróśa dal sò padròṅ, la Susan (Wendy Craig), al n gh piàś briśa, la pâr anc gelóśa 'd lò, tant che lē la dmanda a Tony ad mandàr-al via sénsa sucès.
In séguit Barrett al pòrta in cà na dóna, la Vera (Sarah Miles), dgénd ch'l'è sò surèla e ch'la vōl far la camaréra ma a n è minga acsè parchè lē l'è lè sōl par far la daśnumóśa cun Tony e lò al gh casca. Na sira, turnànd a cà 'd nòt, Hugo e la Susan i càtan chi àtar dū a lèt insém. I dū sarvidōr i vènan mandâ via e al rapòrt fra Tony e la Susan a finìs mâł. Mounset al taca a bévar e ninsòṅ a tîṅ adrē a la cà ch'la dvènta acsè malandàda in pôc tèmp.
Un dè Tony al véd par caś Hugo in un pub e 'l al tōś incóra sèg dòp che lò al gh prumét ad rigàr drit. Ma quànd 'l è là al sarvitōr al taca a rispónd'r indrē a Mounset, a cmandàr lò e a far qvél ch'a gh pâr cun Tony ch'al n pōl far àtar ch'armàgnar schis.