Il seme della discordia
|
C'l artìcul chè 'l è scrit in
Miranduléś |
 Il seme della discordia
| ||
 La Murino e la Valeria Fabrizi in na figùra dal film | ||
| La scménsa dal cuntràst 2008 | ||
|---|---|---|
| Regìa: Pappi Corsicato | ||
| Scritōr: Pappi Corsicato • Massimo Gaudioso | ||
| Atōr: Caterina Murino • Alessandro Gassmann Martina Stella • Valeria Fabrizi • Angelo Infanti Michele Venitucci • Lucilla Agosti • Iaia Forte Isabella Ferrari • Monica Guerritore Eleonora Pedron • Francesco Marino | ||
| Müsica: aṿtōr difarènt | ||
| Léngua: Itagliàṅ | ||
| Dürä dal film: 85 minüt | ||
| Nasiōṅ: Itàglia | ||
Il seme della discordia (La scménsa dal cuntràst) l'è na cumèdia itagliàna dal 2008 ad Pappi Corsicato, giràda a Nàpuli.
La pelìcula l'è stada preśentàda in cuncōrs a 'l 65śum Fèstival ad Venèsia.
Sunt
La Veronica dita Vera (Caterina Murino) l'è na śuvnòta 'd Nàpuli ch'la lavóra insém a la cumésa balarìna Nike (Martina Stella) in dal negòsi 'd vistî e 'd scarpi 'd sò màdar (Valeria Fabrizi). Da sinc an l'è spuśàda c'n al rapreśentànt ad cuncìm Mario (Alessandro Gassmann) ma la n gh'à incóra di fiōi tant che sò màdar la và sèmp'r adrē ch'l'è óra ch'la dvintìs finalmènt nunóna. Par far-la cuntènta la Veronica la và a far di eśàm ch'i gh dìśan ch'l'è tut a pòst. Anc Mario al fà àtar tant.
Na sira la Veronica l'è vitma dna rapìna in strada da part ad dū delinquènt cun di calsét in cô ch'i gh daṅ un cōlp in tèsta parchè la s arvultàva tròp sèg. Quànd pò la vèra i òć la véd Gabriele (Michele Venitucci), un pulisiòt dal sò quartēr inamurâ in segrét ad lē anc s'al gh'à bèla la muróśa (Eleonora Pedron), ch'al diś ch'l è rivâ in tèmp par salvàr-la.
Soquànd dè dòp, vdénd ch'la n gh'à minga 'l mestruasiòṅ, la Veronica la fà 'l tèst e la capìs ad spetàr un putèṅ. Purtròp al fiōl al n pōl minga èsar 'd sò marè parchè la sò andròluga (Monica Guerritore) la gh riferìs ch'l è stèril.