Il ritorno dei morti viventi
|
C'l artìcul chè 'l è scrit in
Miranduléś |
 The Return of the Living Dead
| ||
| Il ritorno dei morti viventi | ||
 La Randolph e Mark Venturini in na figùra dal film | ||
| Al ritóran di mòrt viṿ 1985 | ||
|---|---|---|
| Regìa: Dan O'Bannon | ||
| Scritōr: Rudy Ricci • John A. Russo Russell Streiner • Dan O'Bannon | ||
| Atōr: Clu Gulager • James Karen • Don Calfa Thom Mathews • John Philbin • Jewel Shepard Beverly Randolph • Brian Peck • Linnea Quigley Mark Venturini • Miguel A. Núñez Jr. • David Bond | ||
| Müsica: Matt Clifford | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Il ritorno dei morti viventi (Al ritóran di mòrt viṿ) 'l è 'n film ad scarésa dal 1985 ad Dan O'Bannon, chè a 'l sò debùt.
La pelìcula l'à fat sù da piò ad quatórdas migliòṅ ad dòlar in tut al mónd dòp ès'r-an custàda quàtar.
Sunt
Freddy (Thom Mathews) 'l è 'n śuvnòt ch'al lavóra insém a Frank (James Karen) par la Uneeda, na sucietà ch'la s fà càr'g ad purtàr di cadàvar e di schéltar a gl'università p'r i sò studi 'd madśìna.
Suicìdi (Mark Venturini) 'l è 'n punk amìg ad Freddy ch'al decìd 'd andàr-'l a catàr p'r andàr a bévar na bira da na quàlc banda, insém a la sò muróśa Tina (Beverly Randolph) e a Scuz (Brian Peck). In dal méntar ch'i spètan ch'al finìsa 'l sò tùr'n ad lavōr, al grup al tōś la deciśiòṅ 'd andàr a far fèsta in dal campsànt. A la Uneeda Frank al cònta a Freddy ch'in dal 1968, a 'l uśdàł militàr ad Pittsburgh, a gh'éra stada na fuga 'd un gas biuchìmig ciamâ „triusìna 204“ ch'l éra stâ bòṅ 'd daśdàr i mòrt d'l ubitòri, tant ch'al regìsta George A. Romero 'l iva tòlt spunt da cal fat lè par giràr un film su i mòrt viṿ. Adès chi cadàvar lè i s càtan pròpria a 'l intèran dla strutùra.