Il ragazzo ha visto l'assassino e deve morire

Da Wikipedia.

C'l artìcul chè 'l è scrit in Miranduléś Emiliàn

Eyewitness o anc Sudden Terror
Il ragazzo ha visto l'assassino e deve morire

John Allison in na figùra dal film
Al ragàs 'l à vdû 'l sasèṅ e 'l gh'à da murìr
1970
Regìa: John Hough
Scritōr: Ronald Harwood • John Harris
Atōr: Mark LesterSusan GeorgeTony Bonner
Lionel JeffriesJeremy KempPeter Vaughan
Betty MarsdenPeter BowlesJohn Allison
Müsica: Fairfield Parlour • David Whitaker
Léngua: IngléśTedésc
Dürä dal film: 92 minüt
Nasiōṅ: Régn Unî


«
Par soquànt ragàs... la ricreasiòṅ la pōl èsar murtàla!»
(Tagline dal film)


Il ragazzo ha visto l'assassino e deve morire (Al ragàs 'l à vdû 'l sasèṅ e 'l gh'à da murìr) 'l è 'n thriller ingléś dal 1970 ad John Hough girâ a Malta e trat da 'n rumànś ad John Harris firmâ cuma Mark Hebden.

In dla versiòṅ itagliàna la surèla più granda dal masćèṅ prutagunìsta l'è ciamàda Mimma e minga Pippa, giusà parchè.

Sunt

Durànt na vìśita 'd un cap ad stat africàṅ (Tom Eytle) in n'ìśula dal Mar Mediterràneo, 'l ufisiàł 'd pulisìa Paul Grazzini (Peter Vaughan), jutâ p'r un sicàri (John Allison) ch'al lavóra in na boutique, al gh fà 'n atintâ cupànd-al anc s'al barsàj véra 'l éra 'l ispetōr Galleria (Jeremy Kemp) ch'l al scarusàva in dal sò gir in màchina. Ninsòṅ a pinsarév mai ch'al sasèṅ al fus òṅ dla pulisìa s'a n fus ch'un masćèṅ c'n al diav'l adòs, Ziggy Armstrong-Smith (Mark Lester), 'l à vdû incòsa.

Chi lò 'l è 'l anvōd 'd un culunèl in pensiòṅ (Lionel Jeffries) e 'l fradèl dla Mimma (Susan George) ch'l'éra drē a cumpagnàr-'l in piàsa quànd a gh'è stâ 'l masamènt. In cal mumènt lè però lì lē la 'l iva pardû 'd vista esénd ch'la s éra misa a dascórar c'n un śuvnòt ciamâ Tom Jones (Tony Bonner).

Al ragasèṅ al gh la cava a scapàr via da Grazzini, ch'al gh curìva adrē par saràr-ag la bóca par sèmpar, ma sò surèla la n créd mia a qvél ch'al diś parchè 'l baghét al gh'à 'l brut visi 'd cuntàr sèmpar dal bali avénd-ag na fantaśìa dimóndi granda. Al masćèṅ 'l è custrét acsè a vudàr al sac cun la sò amìga e putìna Anna Maria (Maxine Kalli) dmandànd-ag 'd andàr subìt da la pulisìa. Ma Grazzini e 'l sò jutànt Victor (Peter Bowles) i la màsan insém a sò pàdar e pò anc un mònag (Jeremy Young) ch'l iva pruâ a diféndar Ziggy.

Culegamènt estéran