Il portiere di notte
|
C'l artìcul chè 'l è scrit in
Miranduléś |
 Il portiere di notte
| ||
 Bogarde e la Rampling in na figùra dal film | ||
| Al purtēr ad nòt 1974 | ||
|---|---|---|
| Regìa: Liliana Cavani | ||
| Scritōr: Liliana Cavani • Italo Moscati Barbara Alberti • Amedeo Pagani | ||
| Atōr: Dirk Bogarde • Charlotte Rampling Isa Miranda • Philippe Leroy • Gabriele Ferzetti Giuseppe Addobbati • Piero Vida • Marino Masé | ||
| Müsica: Daniele Paris | ||
| Léngua: Ingléś | ||
| Dürä dal film: 118 minüt | ||
| Nasiōṅ: Itàglia • Stat Unî | ||
Il portiere di notte (Al purtēr ad nòt) 'l è 'n film eròtic, dramàtic e 'd guèra itagliàṅ e americàṅ dal 1974 dla carpśàna Liliana Cavani.
La pelìcula l'è stada giràda a Róma e a Viéna.
Sunt
A dód'ś an da la fiṅ dla secónda guèra mundiàla, 'l èx ufisiàł dal SS Maximilian Theo Aldorfer (Dirk Bogarde) al tira avànti faghénd al purtēr ad nòt in d'l hutèl “der Oper” ad Viéna, lavōr ch'al gh'è stâ śibî da n'asuciasiòṅ ad naśìsta e che lò al fà bèṅ ch'a n gh s pōl dir-ag gnint. 'L è sèmpar dispunìbil cun gl'òspit, specialmènt cun la Erika Stein (Isa Miranda) che, c'n al sò ajùt, la pésca sèmpar di śuvnòt da far-as.
Un dè Max al véd fra gl'òspit dla sala na dóna ebrèja che lò al s faśìva, anc s'l'éra sōl na ragasōla e dasfrutànt la sò cundisiòṅ e 'l sò putēr, durànt la guèra méntar l'éra parśunēra di camp ad stermìni, la Lucia Atherton (Charlotte Rampling). Chi lē la s cata lè par cumpagnàr sò marè (Marino Masè) ch'al fà 'l diretōr 'd urchèstra e ch'al gh'à da tgnir un cuncèrt.
La Lucia l'arcgnós anc lē 'l óm ch'al l'à fata patìr acsè tant ma la decìd listés 'd armàgnar lè, catànd na scuśa, quànd sò marè al gh'à da partìr. La dóna l'è spavintàda e parśunēra di arcòrd ma la vōl turnàr a vìvar chi mumènt là ch'i gh'ànan sgnâ la mènt. Fra i dū a scòca la mòla dla pasiòṅ, in un rapòrt sadumàś.